وسكەمەندە «ەسكى ماحاببات» جانجالى توبەلەسپەن اياقتالدى: قىز كىنالى دەپ تانىلىپ، 40 ساعات قوعامدىق جۇمىسقا تارتىلدى دەپ حابارلايدى Dalanews.kz. شقو قاج دەپارتامەنتىنە سىلتەمە جاساپ.
ۆەدومستۆونىڭ باسپا ءسوز قىزمەتى حابارلاۋىنشا، 23 جاستاعى قىز كوشەدەگى جانجال كەزىندە ۇرعانى ءۇشىن 40 ساعات قوعامدىق جۇمىسقا تارتىلعان.
«جانجالدىڭ، كەيىن توبەلەسكە ۇلاسقان جاعدايدىڭ سەبەبى ەكى تانىستىڭ اراسىنداعى ۇزاققا سوزىلعان رەنىشتى قارىم-قاتىناس بولدى. تەكسەرۋ بارىسىندا كونفليكتتىڭ نەگىزىندە «ەسكى ماحاببات» جاتقانى انىقتالدى»، – دەپ حابارلادى شقو قاج.
سوزدىك جانجال تەز ارادا توبەلەسكە ۇلاستى: قىز قارسىلاسىنىڭ بەتىنە جانە باسىنا بىرنەشە سوققى جاسادى. زارداپ شەگۋشى فيزيكالىق اۋىرسىنۋدى سەزىنگەنىمەن، اۋىر جاراقات المادى.
سوت بارلىق ءىس ماتەريالدارىن قاراپ شىققاننان كەيىن قىزدى ۇرعانى ءۇشىن كىنالى دەپ تاۋىپ، وعان 40 ساعات قوعامدىق جۇمىس تاعايىندادى.
جازانى ورىنداۋ وسكەمەن قالاسىنىڭ پروباسيا قىزمەتىنە جۇكتەلدى. قىزمەت وكىلدەرى ەكى اپتا بويى كۇنىنە ءتورت ساعاتتان قوعامدىق جۇمىستىڭ ورىندالۋىن باقىلايتىن بولادى.
