قازاقستاننىڭ بوچچا فەدەراتسيياسىنىڭ قولداۋىمەن تٷسٸرٸلگەن «ەرەكشە» فيلمٸ كٶرەرمەندەردٸڭ جوعارى قىزىعۋشىلىعىن تۋدىردى. Kinopark Theatres جەلٸسٸندە پروكات كەزٸندە جينالعان 165 ملن تەڭگە مٷمكٸندٸگٸ شەكتەۋلٸ بالالاردى قولداۋ ەنداۋمەنت-قورىنا اۋدارىلدى, دەپ حابارلايدى dalanews.kz.
فيلم يدەياسى 2021 جىلدان بەرٸ ەلٸمٸزدە پاراليمپيادالىق بوچچا سپورتىن دامىتىپ كەلە جاتقان قازاقستاننىڭ بوچچا فەدەراتسيياسىندا پايدا بولعان. Kinopark Theatres باستامانى قولداپ, تٷسٸرٸلٸمدٸ قارجىلاندىردى. سەرٸكتەستەردٸڭ ورتاق ماقساتى – ەرەكشە سپورتشىلاردىڭ ٶمٸرٸن كەڭ اۋديتوريياعا تانىستىرىپ, قازاقستاندىق قوعامداعى ينكليۋزييا تاقىرىبىنا نازار اۋدارتۋ.
“قازٸرگٸ ۋاقىتتا بٸز فيلمدٸ موڭعولييا كينوتەاترلارىندا كٶرسەتۋ مەسەلەسٸن پىسىقتاپ جاتىرمىز, سونداي-اق قىرعىزستان, ٶزبەكستان, رەسەي جەنە جاپونييا ديستريبيۋتورلارىمەن كەلٸسسٶزدەر جٷرگٸزٸلۋدە. موڭعولييا تاراپىمەن ناقتى ۋاعدالاستىقتارعا قول جەتكٸزٸلدٸ: قازٸرگٸ تاڭدا تۋىندىنى موڭعول تٸلٸنە دىبىستاۋ پروتسەسٸ جٷرٸپ جاتىر جەنە جاقىن ارادا فيلم وسى ەلدٸڭ ەكراندارىنا شىعادى”, – دەدٸ Kinopark Theatres ٶكٸلٸ ەرلان بۇقارباەۆ.
فيلمگە بوچچا سپورتىن جاي عانا سپورت ەمەس, ەلەمگە اشىلعان جالعىز تەرەزە, ٶزٸن دەلەلدەۋدٸڭ مٷمكٸندٸگٸ دەپ قابىلدايتىن سپورتشىلار قاتىستى. ولار فيزيكالىق شەكتەۋلەر ٷلكەن ارمانعا كەدەرگٸ ەمەس ەكەنٸن كٶرسەتٸپ كەلەدٸ. ال تاياۋدا قازاقستاندىق بوچچاشىلار استانادا ٶتەتٸن بەدەلدٸ حالىقارالىق تۋرنيرگە قاتىسادى.
“ماۋسىم ايىندا قازاقستان استاناسى Astana 2026 World Boccia Cup تۋرنيرٸن قابىلدايدى. جارىسقا 24 ەلدەن 90 پاراسپورتشى مەن 140 ەرٸپ جٷرۋشٸ كەلەدٸ. تۋرنير «Qazaqstan» جەڭٸل اتلەتيكالىق سپورت كەشەنٸندە ٶتەدٸ. بۇل بٸز ٷشٸن ماڭىزدى كەزەڭ. ٶتكەن جىلى Astana 2025 World Boccia Challenger تۋرنيرٸن جوعارى دەڭگەيدە ۇيىمداستىرعانىمىزدى حالىقارالىق بوچچا فەدەراتسيياسى (BISFed) رەسمي تٷردە اتاپ ٶتتٸ. وسىنداي اۋقىمدى جارىستاردى ٶتكٸزۋ قازاقستاننىڭ جاھاندىق پاراسپورتتىق ٸس-شارالارعا دايىن ەكەنٸن كٶرسەتٸپ, ينكليۋزيۆتٸ سپورت پەن حالىقارالىق ىنتىماقتاستىقتى دامىتۋداعى ماڭىزدى قادامعا اينالىپ وتىر”, – دەدٸ قازاقستان بوچچا فەدەراتسيياسىنىڭ باس حاتشىسى نۇرگٷل ۇلجەكوۆا.
ۇيىمداستىرۋشىلار ەل نامىسىن قورعايتىن وتاندىق سپورتشىلاردى دايىنداۋعا دا ەرەكشە نازار اۋدارىپ وتىر. قازاقستاندىق بوچچاشىلاردىڭ شەبەرلٸك دەڭگەيٸنٸڭ ٶسٸپ كەلە جاتقانىن حالىقارالىق ارەناداعى جەتٸستٸكتەر دە دەلەلدەيدٸ.
“قازٸرگٸ تاڭدا بوچچا ۇلتتىق قۇراماسىنىڭ ساپىندا شامامەن 50 سپورتشى بار. وسى ۋاقىتقا دەيٸن بٸزدٸڭ اتلەتتەر حالىقارالىق جارىستاردا 4 التىن, 5 كٷمٸس جەنە 6 قولا مەدال جەڭٸپ الدى”, – دەدٸ قازاقستان بوچچا فەدەراتسيياسىنىڭ ۆيتسە-پرەزيدەنتٸ نازىم جانعازينوۆا.
فيلم تۋرالى
«ەرەكشە» فيلمٸ ماحاببات پەن ادالدىق, ساتقىندىق, رۋح كٷشٸ, جەڭٸسكە دەگەن جٸگەر جەنە ەلەمدٸ ٶزگەرتۋدٸڭ جولى الدىمەن ٶزٸڭدٸ ٶزگەرتۋدەن باستالاتىنى تۋرالى باياندايدى. سيۋجەت ورتاسىندا – بوچچا سپورتىمەن اينالىساتىن تسەرەبرالدى سال اۋرۋىنا شالدىققان جاسٶسپٸرٸممەن تانىسقاننان كەيٸن ٶمٸرٸ ٶزگەرەتٸن ارمان ەسٸمدٸ جٸگٸت. ورتاق سىناقتار, جاتتىعۋلار مەن جەڭٸس جولىنداعى كٷرەس ارقىلى كەيٸپكەر رۋحاني قۇندىلىقتارىن قايتا تاۋىپ, ٶمٸردٸڭ جاڭا مەنٸن تابادى.
باستى رٶلدەردٸ جاسۇلان كٶپبەرگەن, اقەركە نازاربەكوۆا جەنە راسۋل باۋىرجان سومداعان. ستسەناريي اۆتورى – سەرجان سەرٸكباي, رەجيسسەرٸ – ەرنار نۇرعاليەۆ.
«ەرەكشە» فيلمٸنٸڭ پرەمەراسى 2026 جىلعى 19 ناۋرىزدا قازاقستاننىڭ بارلىق ٶڭٸرٸندە ٶتتٸ جەنە كٶرەرمەن تاراپىنان جوعارى باعاسىن الدى. kino.kz بيلەت ساتۋ سەرۆيسٸنٸڭ مەلٸمەتٸنشە, فيلم جٷزدەگەن وڭ پٸكٸر جيناپ, 8,5 رەيتينگكە يە بولعان.
انىقتاما:
بوچچا 1984 جىلدان بەرٸ پاراليمپيادا ويىندارىنىڭ باعدارلاماسىنا ەنگەن. بۇل سپورت تٷرٸ اۋىر فورماداعى مٷگەدەكتٸگٸ بار ادامدارعا, سونىڭ ٸشٸندە تسەرەبرالدى سال اۋرۋى مەن بۇلشىقەت ديستروفيياسىنا شالدىققان جاندارعا قولجەتٸمدٸ. قازٸرگٸ تاڭدا قازاقستاننىڭ بوچچا فەدەراتسيياسى 13 ٶڭٸردەگٸ 250-دەن استام سپورتشىنى بٸرٸكتٸرەدٸ. ونىڭ 47-سٸ حالىقارالىق جارىستاردا ەل نامىسىن قورعاپ جٷر.
