پرەمەر-مينيستر ولجاس بەكتەنوۆ مەملەكەت باسشىسىنىڭ ەكونوميكانى ەرتاراپتاندىرۋ جەنە وتاندىق ٶندٸرٸستٸ دامىتۋ جٶنٸندەگٸ تاپسىرمالارى شەڭبەرٸندە جەڭٸل ٶنەركەسٸپتٸ دامىتۋ مەسەلەلەرٸ بويىنشا كەڭەس ٶتكٸزدٸ, دەپ حابارلايدى dalanews.kz.
جيىنعا ۇلتتىق ەكونوميكا, ٶنەركەسٸپ جەنە قۇرىلىس, اۋىل شارۋاشىلىعى, قارجى مينيسترلٸكتەرٸنٸڭ, «سامۇرىق-قازىنا» ۇەق, «اتامەكەن» ۇكپ, «بەيتەرەك» ۇكپ باسشىلىعى جەنە ت.ب. قاتىستى.
پرەمەر-مينيستردٸڭ ورىنباسارى – ۇلتتىق ەكونوميكا مينيسترٸ سەرٸك جۇمانعارين سالانىڭ ەلەۋمەتتٸك ماڭىزدىلىعىن اتاپ ٶتٸپ, جەڭٸل ٶنەركەسٸپتە جۇمىس ٸستەيتٸندەردٸڭ 60%-ىن ەيەلدەر قۇرايتىنىن جەتكٸزدٸ.
جيىندا ٶنەركەسٸپ جەنە قۇرىلىس مينيسترٸ ەرسايىن ناعاسپاەۆتىڭ سالاداعى بٷگٸنگٸ احۋال, ورىن الىپ وتىرعان كەدەرگٸلەر مەن دامۋ پەرسپەكتيۆالارى تۋرالى بايانداماسى تىڭدالدى. ٶقم دەرەكتەرٸ بويىنشا 2025 جىلدىڭ قورىتىندىسىندا سالاداعى ٶندٸرٸس كٶلەمٸ 260 ملرد تەڭگەگە جەتكەن. وسى جىلدىڭ باسىنان بەرٸ ٶنەركەسٸپتەگٸ ٶڭدەۋشٸ سەكتوردىڭ ٶسۋٸ 9,9%-دى قۇراعان, بۇل رەتتە جەڭٸل ٶنەركەسٸپ ٶندٸرٸسٸنٸڭ كٶلەمٸ 2,2 ەسەگە ۇلعايعان. دەسە دە سالادا يمپورتتىڭ جوعارى ٷلەسٸ ساقتالۋدا.
سونىمەن قاتار دايىن ٶنٸمدەر شىعارۋ جەنە قايتا ٶڭدەۋ ٷلەسٸن ۇلعايتۋ شارالارى تالقىلاندى. ٶندٸرٸستەردٸ جاڭعىرتۋ, قايتا ٶڭدەۋ قۋاتىن كەڭەيتۋ, لوكاليزاتسييالاۋ دەڭگەيٸن ارتتىرۋ, كادرلار دايارلاۋ جەنە وتاندىق تاۋار ٶندٸرۋشٸلەردٸڭ بەسەكەگە قابٸلەتتٸلٸگٸن نىعايتۋ قاجەتتٸلٸگٸنە باسا نازار اۋدارىلدى.
قازاقستاندىق ٶندٸرۋشٸلەردٸ قولداۋ مەسەلەسٸ ٶز الدىنا بٶلەك قاراستىرىلدى. اتاۋلى قولداۋ شارالارىن ۇسىنۋ ماقساتىندا تاۋارلاردى, جۇمىستاردى, كٶرسەتٸلەتٸن قىزمەتتەردٸ وتاندىق ٶندٸرۋشٸلەردٸڭ تٸزٸلٸمٸ جۇمىس ٸستەيدٸ.
«اتامەكەن» ۇكپ تٶرالقا تٶراعاسى قانات شارلاپاەۆ قاۋٸپسٸزدٸك نورمالارىنا سەيكەستٸگٸن باقىلاۋ ٷشٸن ارنايى ماقساتتاعى جەڭٸل ٶنەركەسٸپ ٶنٸمدەرٸن سەرتيفيكاتتاۋ بويىنشا ۇسىنىستارىن ايتتى.
«قاسىم-جومارت توقاەۆ ەكونوميكالىق ەلەۋەتتٸ نىعايتۋ مٸندەتٸن قويدى. جاڭا كونستيتۋتسييانىڭ قابىلدانۋىمەن ٷكٸمەت ٶڭدەۋ سەكتورىن دامىتۋ جۇمىستارىن كٷشەيتە تٷستٸ. بيىلعى تٶرت ايدىڭ قورىتىندىسى بويىنشا ٶڭدەۋ سالاسى تۇراقتى ٶسٸم كٶرسەتٸپ وتىر. ونىڭ ٸشٸندە جەڭٸل ٶنەركەسٸپتٸڭ ەلەۋمەتتٸك ماڭىزى زور. بٸز وتاندىق تاۋار ٶندٸرۋشٸلەردٸ قولداۋ شارالارىن كەڭەيتۋٸمٸز قاجەت», — دەپ اتاپ ٶتتٸ ولجاس بەكتەنوۆ.
كەڭەس قورىتىندىسى بويىنشا پرەمەر-مينيستر قازاقستاندىق ٶندٸرۋشٸلەرگە ٶتكٸزۋ نارىقتارىنا شىعۋعا كەپٸلدٸك بەرە وتىرىپ, ٶندٸرٸستٸ ۇلعايتۋ ٷشٸن قوسىمشا ىنتالاندىراتىن مودەل قالىپتاستىرۋ قاجەتتٸگٸنە نازار اۋداردى.
