Qasym-Jomart Toqaev Qyzylorda oblysyna jumys sapary barysynda óńir jurtshylyǵymen kezdesip, áńgimelesti, dep habarlaidy Dalanews.kz.
Prezident aimaqtyń qarqyndy damyp kele jatqanyna toqtalyp, aldaǵy ýaqytta da aýqymdy jumys atqarylatynyn aitty.
"Dúnie júzindegi ahýal barshańyzǵa jaqsy málim. Álemdegi jaǵdai bulyńǵyr, qubylmaly. Sondyqtan, eń aldymen, jastarǵa kóńil aýdarý qajet. Jastarymyz – daryndy, qabiletti. Olarǵa durys baǵdar kórsetip, jaqsy tárbie, tálim berý mańyzdy. Qazirgi zamanda esirtki, nashaqorlyq sekildi syn-qaterler az emes. Jastardyń bolashaǵy – bilimde. Oiy ushqyr, kókiregi oiaý, kózi ashyq jastar – bizdiń keleshegimiz. Bárimiz bir ult bolyp, el úshin, halyq úshin jumys isteýimiz kerek", – dedi Prezident.
Memleket basshysy elimizdi órkendetý jolynda qolǵa alynǵan bastamalar jóninde áńgimeledi.
"Taza Qazaqstan" aktsiiasy keń aýqymda júrgizilýde. "Taza" degen – jaqsy sóz. Eń aldymen, arymyz, nietimiz taza bolýy kerek. Jalpy Qazaqstan taza bolýy qajet. Bul – bolmysymyzǵa áser etetin úlken is. Ekinshi, tsifrlyq memleket qurý. Zamanaýi, ozyq elge ainalýymyz kerek. Áitpese damyǵan elder kóshinen qalyp qoiamyz. Sondyqtan tsifrlandyrýdy, jasandy intellektini mindetti túrde damytý qajet. Qazaqstanda Ortalyq Aziiadaǵy alǵashqy sýperkompiýter iske qosyldy. Budan bólek, atom stansalaryn salýymyz kerek. Qazir birinshi stansanyń qurylysy bastaldy. Taiaý arada ekinshi AES jobasyn qolǵa alamyz", – dedi Memleket basshysy.
Prezident óńir úshin sý tapshylyǵy óte ózekti másele ekenin jetkizdi.
"Sý tapshylyǵyna basa nazar aýdaramyz. Keleshekte de sý mol bolady dei almaimyz. Oǵan daiyn bolýymyz kerek. Sý únemdeýdiń joǵary tehnologiiasyn qoldanǵanymyz jón. Memleket sýbsidiia berip jatyr. Biyl aýyl sharýashylyǵyna 1 trillion berdi. Bul – úlken múmkindik", – dedi Memleket basshysy.
