2026 jyldan bastap zańdy tulǵalar men jeke kásipkerler úshin salyqtyq júkteme koeffitsientin esepteýdiń jańa erejeleri kúshine enedi, dep habarlaidy Dalanews.kz.
Jańa tásilge sáikes Memlekettik kirister komiteti salyqtyq júkteme koeffitsientiniń ortasha salalyq mánin árbir oblys jáne oblystyq mańyzy bar qalalar boiynsha jeke kásipkerler men zańdy tulǵalar úshin bólek aiqyndaidy.
Bul talap arnaiy salyq rejimin alty aidan astam qoldanatyn salyq tóleýshilerge, sondai-aq jalpyǵa birdei belgilengen salyq salý tártibin paidalanatyndarǵa qatysty bolady.
Ortasha salalyq mándi esepteý esepti jyldan keiingi jyldyń 1 shildesinen keshiktirilmei jylyna bir ret júrgiziledi. Esepteý úshin qajetti derekter kelesi jyldyń 1 mamyryna deiin Memlekettik kirister komitetinde bar aqparat negizinde jinalady.
