2026 جىلدان باستاپ زاڭدى تۇلعالار مەن جەكە كاسىپكەرلەر ءۇشىن سالىقتىق جۇكتەمە كوەففيسيەنتىن ەسەپتەۋدىڭ جاڭا ەرەجەلەرى كۇشىنە ەنەدى، دەپ حابارلايدى Dalanews.kz.
جاڭا تاسىلگە سايكەس مەملەكەتتىك كىرىستەر كوميتەتى سالىقتىق جۇكتەمە كوەففيسيەنتىنىڭ ورتاشا سالالىق ءمانىن ءاربىر وبلىس جانە وبلىستىق ماڭىزى بار قالالار بويىنشا جەكە كاسىپكەرلەر مەن زاڭدى تۇلعالار ءۇشىن بولەك ايقىندايدى.
بۇل تالاپ ارنايى سالىق رەجيمىن التى ايدان استام قولداناتىن سالىق تولەۋشىلەرگە، سونداي-اق جالپىعا بىردەي بەلگىلەنگەن سالىق سالۋ ءتارتىبىن پايدالاناتىندارعا قاتىستى بولادى.
ورتاشا سالالىق ءماندى ەسەپتەۋ ەسەپتى جىلدان كەيىنگى جىلدىڭ 1 شىلدەسىنەن كەشىكتىرىلمەي جىلىنا ءبىر رەت جۇرگىزىلەدى. ەسەپتەۋ ءۇشىن قاجەتتى دەرەكتەر كەلەسى جىلدىڭ 1 مامىرىنا دەيىن مەملەكەتتىك كىرىستەر كوميتەتىندە بار اقپارات نەگىزىندە جينالادى.
