بٸرٸككەن اراب ەمٸرلٸكتەرٸنٸڭ ٸرٸ قارجى توبىنا كٸرەتٸن Abu Dhabi Commercial Bank (Kazakhstan) قازاقستاندا ەمبەباپ بانكتٸك ليتسەنزييا الدى. ەندٸ بانك دەستٷرلٸ قارجى قىزمەتتەرٸمەن قاتار, يسلامدىق قارجىلاندىرۋ ٶنٸمدەرٸن دە ۇسىنا الادى. بۇل - ەلٸمٸزدە دەستٷرلٸ جەنە يسلامدىق بانكينگتٸ بٸر ۇيىم اياسىندا جٷزەگە اسىرۋعا رۇقسات العان العاشقى بانك, دەپ حابارلايدى dalanews.kz.
بانكتٸك ليتسەنزييانى قازاقستاننىڭ قارجى نارىعىن رەتتەۋ جەنە دامىتۋ اگەنتتٸگٸنٸڭ تٶراعاسى مەدينا ەبٸلقاسىموۆا XIV قازاقستان قارجىگەرلەرٸنٸڭ كونگرەسٸ اياسىندا سالتاناتتى تٷردە تابىستادى.
اگەنتتٸك مەلٸمەتٸنشە, Abu Dhabi Commercial Bank (Kazakhstan) ەمبەباپ بانكتٸك وپەراتسييالاردى جٷزەگە اسىرۋعا, سونداي-اق «يسلامدىق تەرەزە» تەتٸگٸ ارقىلى يسلامدىق قارجىلاندىرۋ قىزمەتتەرٸن كٶرسەتۋگە مٷمكٸندٸك الدى.
«Abu Dhabi Commercial Bank (Kazakhstan) دەستٷرلٸ جەنە يسلامدىق بانكتٸك قىزمەتتٸ بٸر بانكتٸڭ اياسىندا, ياعني «يسلامدىق تەرەزە» تەتٸگٸ ارقىلى ۇسىنۋعا رۇقسات العان قازاقستانداعى العاشقى بانك بولدى», - دەپ حابارلادى قارجى رەتتەۋشٸسٸ.
جاڭا تەتٸك كليەنتتەرگە بٸر بانكتەن دەستٷرلٸ قارجى ٶنٸمدەرٸمەن قاتار, يسلام قاعيداتتارىنا سەيكەس كەلەتٸن قارجىلاندىرۋ قۇرالدارىن تاڭداۋعا مٷمكٸندٸك بەرەدٸ. بۇل ٷشٸن جەكە يسلام بانكٸن قۇرۋدىڭ قاجەتٸ بولمايدى.
بانك اكتيۆتەرٸ $242 ملرد-تان اسادى
قارجى نارىعىن رەتتەۋ جەنە دامىتۋ اگەنتتٸگٸنٸڭ باسشىسى مەدينا ەبٸلقاسىموۆانىڭ ايتۋىنشا, جاڭا ليتسەنزييا قازاقستان مەن باە اراسىنداعى ينۆەستيتسييالىق ىنتىماقتاستىقتى تەرەڭدەتۋگە باعىتتالعان. بۇل باستاما مەملەكەت باسشىسىنىڭ ەلگە سەنٸمدٸ شەتەلدٸك بانكتەردٸ تارتۋ, بانك سەكتورىنداعى بەسەكەلەستٸكتٸ كٷشەيتۋ جەنە ناقتى سەكتوردى قارجىلاندىرۋدى كەڭەيتۋ جٶنٸندەگٸ تاپسىرماسىنا سەيكەس جٷزەگە اسىرىلىپ وتىر.
2025 جىلدىڭ قورىتىندىسى بويىنشا بٸرٸككەن اراب ەمٸرلٸكتەرٸنەن قازاقستانعا تارتىلعان تٸكەلەي ينۆەستيتسييا كٶلەمٸ 1,64 ملرد دوللاردى قۇراعان. بۇل الدىڭعى جىلمەن سالىستىرعاندا ەكٸ ەسەدەن استام كٶپ.
ADCB بانك توبى باە-دەگٸ اكتيۆتەرٸنٸڭ كٶلەمٸ بويىنشا ٷشٸنشٸ ورىندا تۇر. 2026 جىلعى 30 قىركٷيەكتەگٸ جاعداي بويىنشا توپتىڭ اكتيۆتەرٸ 242,3 ملرد دوللارعا, مەنشٸكتٸ كاپيتالى 24,8 ملرد دوللارعا جەتكەن. ال بيىلعى توعىز ايداعى تازا پايداسى 2,8 ملرد دوللاردى قۇراعان.
بانكتٸڭ نەسيە پورتفەلٸ 127 ملرد دوللاردان اسادى. قارجى توبى كورپوراتيۆتٸك جەنە ينۆەستيتسييالىق بانكينگ, ساۋدا جەنە جوبالىق قارجىلاندىرۋ, حالىقارالىق ەسەپ ايىرىسۋ مەن قارجىلىق تەۋەكەلدەردٸ باسقارۋ باعىتتارىندا تەجٸريبەگە يە.
قازاقستاندا بانك قالاي قۇرىلدى?
Abu Dhabi Commercial Bank PJSC-گە قازاقستاندا ەنشٸلەس بانك قۇرۋعا 2026 جىلعى ناۋرىزدا رۇقسات بەرٸلگەن. جاڭا قارجى ۇيىمى 20 سەۋٸردە زاڭدى تۇلعا رەتٸندە مەملەكەتتٸك تٸركەۋدەن ٶتتٸ. ال 13 قاراشادا ەمبەباپ بانكتٸك جەنە يسلامدىق بانكتٸك وپەراتسييالاردى جٷزەگە اسىرۋعا ارنالعان ليتسەنزييالار تابىستالدى.
بۇعان دەيٸن قازاقستاندا وسى قارجى توبىنىڭ قاتىسۋىمەن «يسلام بانكٸ ADCB» جۇمىس ٸستەگەن. ول بۇرىن Al Hilal اتاۋىمەن بەلگٸلٸ بولعان. قاراشا ايىنىڭ باسىندا يسلام بانكٸ اكتيۆتەرٸ مەن مٸندەتتەمەلەرٸن قازاقستانداعى جاڭا ەنشٸلەس قۇرىلىمعا بەرۋ جۇمىسىنا دايىندالىپ جاتقانى حابارلانعان ەدٸ.
ايتا كەتەيٸك, دەستٷرلٸ جەنە يسلامدىق بانكتٸك قىزمەتتٸ بٸر ۇيىم اياسىندا ۇسىنۋ مٷمكٸندٸگٸ 2026 جىلعى 16 قاڭتاردا قابىلدانعان «بانكتەر جەنە بانك قىزمەتٸ تۋرالى» جاڭا زاڭدا قاراستىرىلعان. قارجى رەتتەۋشٸسٸنٸڭ پٸكٸرٸنشە, جاڭا بانكتٸڭ نارىققا شىعۋى قارجى قىزمەتتەرٸنٸڭ تٷرٸن كٶبەيتٸپ, بيزنەس پەن حالىق ٷشٸن بالاما قارجىلاندىرۋ مٷمكٸندٸكتەرٸن كەڭەيتەدٸ.
