قاراعاندى وبلىسىندا ەكٸ ايعا جۋىق ۋاقىت بۇرىن جوعالىپ كەتكەن ەيەل ٶلٸ تابىلدى, دەپ حابارلايدى dalanews.kz.
38 جاستاعى يرينا كەرننٸڭ سٷيەگٸ 13 قاراشادا تەمٸرتاۋدان شامامەن 22 شاقىرىم جەردەن تابىلدى. پوليتسييانىڭ مەلٸمەتٸنشە, ەيەلدٸڭ دەنەسٸنەن زورلىقپەن ٶلتٸرۋ بەلگٸلەرٸ انىقتالعان. كٸسٸ ٶلتٸردٸ دەگەن كٷدٸكپەن 40 جاستاعى ەر ادام ۇستالىپ, ۋاقىتشا ۇستاۋ يزولياتورىنا قامالدى.
يرينا 20 قىركٷيەككە قاراعان تٷنٸ جوعالىپ كەتكەن. ەپكەسٸنٸڭ ايتۋىنشا, ەيەل جوعالار الدىندا ازاماتتىق نەكەدەگٸ كٷيەۋٸمەن جانجالداسقان. سول كەزدە ٷيدە ونىڭ ۇلى مەن بارار جەرٸ بولماعاندىقتان, پانالاپ جٷرگەن 19 جاستاعى جەتٸم جٸگٸت تە بولعان.
تاڭعى ساعات التى شاماسىندا ٷي ٸشٸ تىنىشتالىپ, ارتىنشا ەسٸك تارس جابىلعان. ٷيدەگٸلەر ويانعاندا, يرينا جوق بولىپ شىققان. الايدا ونىڭ ٷيدەن قالاي كەتكەنٸن ەشكٸم كٶرمەگەن.
ەيەل جوعالعاننان كەيٸن تۋىستارى ونى ٶزدەرٸ ٸزدەي باستاعان, تانىستارىنا حابارلاسىپ, بولۋى مٷمكٸن جەرلەردٸ تەكسەرگەن جەنە سول تٷنٸ بولعان وقيعالاردى ەسكە تٷسٸرۋگە تىرىسقان. پوليتسيياعا ونىڭ جوعالعانى تۋرالى رەسمي ارىز تەك 2 قازاندا تٸركەلگەن.
كٸسٸ ٶلتٸرۋ دەرەگٸ بويىنشا سوتقا دەيٸنگٸ تەرگەۋ باستالدى. مارقۇمنىڭ ارتىندا ٷش بالاسى قالدى.
