UFC ۇيىمىنىڭ پرەزيدەنتٸ دانا ۋايت قازاقستاندا ارالاس جەكپە-جەكتەن تۋرنير ٶتكٸزۋ مٷمكٸندٸگٸن تاعى دا قاراستىرىپ جاتىر. 10 قاراشادا الماتىدا ۇيىم ٶكٸلدەرٸمەن العاشقى تۋرنيردٸ ۇيىمداستىرۋ مەسەلەسٸ تالقىلاندى, دەپ حابارلايدى dalanews.kz.
كەلٸسسٶز بارىسىندا قازاقستاندا UFC تۋرنيرٸن ٶتكٸزۋگە قاتىستى جوسپارلار سٶز بولعان. العاشقى قادام رەتٸندە Zuffa Boxing بوكس كەشٸن ۇيىمداستىرۋ ۇسىنىلۋى مٷمكٸن. ودان كەيٸن ەلدە UFC تۋرنيرٸن ٶتكٸزۋ مەسەلەسٸ قاراستىرىلماق.
الايدا ەزٸرگە تاراپتار اراسىندا ناقتى كەلٸسٸم جاسالعان جوق. تۋرنيردٸڭ ٶتەتٸن كٷنٸ مەن ورنى دا بەلگٸسٸز.
ايتا كەتەيٸك, قازاقستان بۇعان دەيٸن دە UFC تۋرنيرٸن قابىلداۋعا دايىندالعان. 2020 جىلعى ماۋسىمدا استاناداعى «استانا ارەنا» ستاديونىندا پەتر يان مەن مارلون موراەس جەكپە-جەك ٶتكٸزۋٸ كەرەك بولعان. بٸراق كوروناۆيرۋس پاندەميياسىنا بايلانىستى بۇل جوسپار جٷزەگە اسپادى.
