UFC uiymynyń prezidenti Dana Ýait Qazaqstanda aralas jekpe-jekten týrnir ótkizý múmkindigin taǵy da qarastyryp jatyr. 10 qarashada Almatyda uiym ókilderimen alǵashqy týrnirdi uiymdastyrý máselesi talqylandy, dep habarlaidy dalanews.kz.
Kelissóz barysynda Qazaqstanda UFC týrnirin ótkizýge qatysty josparlar sóz bolǵan. Alǵashqy qadam retinde Zuffa Boxing boks keshin uiymdastyrý usynylýy múmkin. Odan keiin elde UFC týrnirin ótkizý máselesi qarastyrylmaq.
Alaida ázirge taraptar arasynda naqty kelisim jasalǵan joq. Týrnirdiń ótetin kúni men orny da belgisiz.
Aita keteiik, Qazaqstan buǵan deiin de UFC týrnirin qabyldaýǵa daiyndalǵan. 2020 jylǵy maýsymda Astanadaǵy «Astana Arena» stadionynda Petr Ian men Marlon Moraes jekpe-jek ótkizýi kerek bolǵan. Biraq koronavirýs pandemiiasyna bailanysty bul jospar júzege aspady.
