Túrkistan oblysynda elektrondy qyzmet qarqyndy damýda
Pilotty joba Túrkistan qalasyndaǵy № 1A baǵytyndaǵy qoǵamdyq kólikterge engiziledi. Bul týraly Túrkistan oblystyq óńirlik kommýnikatsiialar qyzmetinde ótken brifingte Aqparattandyrý, memlekettik qyzmetter kórsetý jáne arhivter basqarmasynyń basshysy Bastar Esqaraev málim etti.
Sonyman qatar, bir ýaqytta GPS trekery arqyly elektrondy bilet júiesi ornatylatyn bolady.
– Atalǵan pilottyq joba aiaqtalǵan soń qalǵan barlyq qalaishilik baǵyttaǵy 21 avtobýsty qamtý josparlanýda. Al elektrondy bilet júiesi engizilgen avtobýstardyń jalpy sany 270-ti quramaq. Sondai-aq, Túrkistan qalasynda investorlar esebinen 1 «aqyldy» aialdama jáne 5 jarnama stelin ornatý jobalanýda, – dedi Bastar Áýelhanuly.
Budan ózge, aǵymdaǵy jyldyń shilde aiynan bastap oblys ortalyǵy Túrkistan qalasynda memlekettik-jekeshelik áriptestik aiasynda turaqty túrde qoǵamdyq tártiptiń saqtalýyn qamtamasyz etýge baǵyttalǵan 20 beinebaqylaý kameralaryn ornatý kózdelýde. Sonymen qatar, Kentaý qalasynda qoǵamdyq tártiptiń saqtalýyn qamtamasyz etýshi 10 beinekamera jáne 2 intellektýaldy jol qiylysyn ornatý josparlanǵan.
Túrkistan oblysynda tsifrlandyrý júiesin damyta túsý maqsatynda bilim berý salasy boiynsha pedagogikalyq quramdy jinaqtaý protsesi avtomattandyrylǵan. Oblys boiynsha jumys izdeý jáne jumyssyzdyq paiyzyn tómendetip, qoljetimdilikti jáne qolaily jaǵdaidy qamtamasyz etý úshin «jumys.sitcen.kz» júiesi engizilipti.
Buryn pedagogikalyq laýzymǵa úmitkerler men pedagogikalyq joǵary oqý oryndarynyń túlekteri bos oryndar týraly málimet alý úshin ár mektepti aralaý qajet bolatyn bolsa, elektrondy júie arqyly ótinishti onlain-rejimde tapsyryp, ashyq konkýrstyq irikteýden de ótýine múmkindik beredi
– Búgingi tańda júiede 2500-ge jýyq paidalanýshysa bolsa, onda 500-ge tarta bos jumys orny ornalastyrylǵan. Qazir joba arqyly 26 ótinish túsip otyr. Budan ózge, oblys boiynsha 456 639 bala sanymen 901 jalpy bilim berý mektepteri bar. Qazirgi tańda Túrkistan oblysy boiynsha mektepterge birinshi synypqa qabyldaý protsesiniń avtomattandyrylǵan mektep.sitcen.kz portaly iske qosyldy, – dedi Bastar Áýelhanuly.
Sondai-aq, «Mektepke deiingi bilim berý mekemelerine kezekke qoiý jáne joldama berý» protsesin avtomattandyrý júiesi 358 mekemeni qamtyp otyr. Basqa aýdandar men qalalarda jumystar júrgizilýde. Atalǵan júieler túrli sybailas jemqorlyq táýekelderin joiyp, azamattar úshin barynsha ashyq túrde jáne qolaily bolýyn qamtamasyz etedi.
– Búgingi tańda orta bilim berý salalarynda memlekettik-jekemenshik yntymaqtastyq aiasynda «Kúndelik» elektrondy jýrnaldar men kúndelikterdiń biryńǵai aqparattyq júiesi» engizilýde. Qazir 901 mekteptiń 87 paiyzy jobaǵa tirkelip, jumys júrgizýde, – dedi Bastar Esqaraev.
Aǵymdaǵy jyly Túrkistan oblysynda tsifrlyq bilim berý resýrstaryn engizý aiasynda 1500 BilimBook noýtbýktaryn jáne 200-ge jýyq interaktivti panelderin satyp alynyp, nátijesinde oqýshylardy kompiýterdi qamtý deńgeii edáýir artatyn bolady.
Júzdesý kezinde aqparattandyrý salasynyń mamandary Túrkistan oblysynda «DAMUMED» mobildi qosymshasyna 58933 paidalanýshy tirkelgenin alǵa tartty. Bul óńirdiń belsendi paidalanýshylarynyń 6,8 paiyzyn quraidy. Jalpy kórsetkishti 30 paiyzǵa jetkizý josparlanǵan. Onyń aitýynsha, mobildi qosymshanyń kómegimen dárigerge 28 645 qabyldaýǵa jazylý, 1 249 úige shaqyrtý, 5 032 júktiligine bailanysty esepke turý jáne 23138 ret 5 jasqa deiingi balalardyń ata-analaryn tirkeý syndy qyzmetter paidalanylǵan.
– Oblysymyzdaǵy 49 emhanada densaýlyq saqtaý salasynda kóp qoldanylatyn dárigerdi úige shaqyrtý, dárigerdiń qabyldaýyna jazylý, meditsinalyq uiymdarǵa tirkelý syndy qyzmetterge qol jetkize alatyn meditsinalyq aqparat júiesi iske qosyldy. Túrkistan oblysy boiynsha qaǵazsyz tehnologiia 2018 jyldyń 2 sáýirinen bastap iske qosyldy. Oblys boiynsha meditsinalyq qujattamany qaǵazsyz negizde júrgizý 32 paiyzdy qurap otyr, – dedi Bastar Áýelhanuly.
Jyldyń sońyna deiin densaýlyq saqtaý salasy boiynsha 100 paiyz tehnikamen qamtamasyz etip, tolyǵymen qaǵazsyz qujat ainalymyna ótý josparlanǵan. Sondai-aq, mobildi qosymshasymen turǵyndardyń 30 paiyzyn qamtý kózdelip otyr.
Túrkistan oblysy ákiminiń baspasóz qyzmeti
