Mektep muǵalimderi qoǵamda qyzý talqyǵa túsken latyn álipbiine kóshýdegi ártúrli aspektili suraqtar qoidy desek bolady.
Latyn álipbiine kóshken soń kompiýterdi ózimiz jasaýǵa múmkindik bar dedińizder. Olai bolsa, qazaq tili kirillitsamen turǵanda nege jasai almaisyzdar? Ekinshiden, latyn tiline kóshkende kompiýterlerge baǵa tómendeidi dep ne úshin aittyńyzdar?.. Latyn álipbiin qabyldaýda ózge elder qandai qiyndyqpen ushtasqany týraly da naqty mysalmen aityp berseńizder? Latyn grafikasyna kóshýde sanany qalyptastyra bilý kerek deimiz. Osy tusta ne aitar edińizder?
Bul saýaldarǵa orai jýrnalist Qajet Andas, aqyn Saǵynysh Namazshamova túsinikti, naqty mysaldardy tilge tiek ete otyryp, jiliktep aityp berdi. Olardyń sózinshe, grafikany aýystyramyz dep tilden aiyrylsaq, onda qazaqtyń memleketi de, tarihy da bolmaidy. «Bizdi biriktiretin tilimiz ekenin jadydan shyǵarmaiyq» degen oi da ortaǵa salyndy.
Latyn grafikasyna kóshý boiynsha aqparattyq túsindirý jumys tobynyń qatysýmen ótken jiynda «Qazaqstan» telearnasynyń latyn qarpinde jazylǵan ataýyna qatysty da saýal qoiyldy.
Bul saýalǵa orai oblystyq bilim basqarmasy basshysynyń orynbasary Gúlsara Tastandyqyzy: «Meniń oiymsha bul jaqsy bastama. Elbasy óziniń maqalasynda muny alǵa tartyp aitqan bolatyn. Birinshiden, telearna ataýyn latyn grafikasymen jazý arqyly halyqtyń kózin úiretý, ekinshiden, jazylǵan ataý durys pa álde burys pa degen syndy halyqtyń oiyn bilý. Bir sózben aitsaq, eldiń pikirin anyqtaý. Al dál qazirgi ýaqytta álipbiimiz áli bekitilgen joq. Bekitilgen kúnnen bastap mindetti túrde ózgeriske enetin bolady» dedi.
Basqosýda oqýshylar tarapy da únsiz qalmady. Top múshelerine ózderiniń kókeilerinde júrgen «Kirrilitsany oqyp kelgen úlkender jaǵy, latyn qarpine kóshken tusta saýatsyz bolyp qalmai ma?», «Latyn álipbiine kóshý elimizge ne beredi?» syndy suraqtaryn qoiyp, túshymdy jaýap aldy.
Dál osy kúni top músheleri Shatyrbai, Abai syndy eldi mekenderdiń halqymen júzdesti.
