Nursultan Nazarbaev Sooronbaı Jeenbekovke Qyrǵyz Respýblıkasynyń Prezıdenti bolyp saılanýyna baılanysty quttyqtaý jedelhatyn joldady, – dep habarlaıdy Tengrinews.kz tilshisi Aqordaǵa silteme jasap.



Qazaqstan Prezıdenti jedelhatta Sooronbaı Jeenbekovtiń basshylyǵymen Qyrǵyzstan óziniń qarqyndy damý jolynda jańa tabystarǵa jetetinine senim bildirdi. "Qazaqstan men Qyrǵyzstan arasyndaǵy ózara tıimdi yntymaqtastyqqa negizdelgen qarym-qatynas elderimizdiń ıgiligi úshin odan ári damı túsedi dep senemin. Sizge zor densaýlyq, jaýapty memlekettik qyzmetińizde tabys, al baýyrlas qyrǵyz halqyna beıbit ómir men baq-bereke tileımin", – delingen jedelhatta.

Eske sala keteıik, sosıal-demokratıalyq partıanyń atynan shyqqan Sooronbaı Jeenbekov Qyrǵyzstandaǵy prezıdent saılaýynda 54,75 paıyz daýys jınap, jeńiske jetken bolatyn. Al Qyrǵyz Respýblıkasynyń eks-premer-mınıstri Omýrbek Babanov 33,8 paıyz daýys jınap, ekinshi oryn aldy. Úshinshi orynda "Býtýn Qyrǵyzstan" partıasynyń basshysy Adahan Madýmarov – 6,47 paıyz daýys jınady.

Osyǵan deıin Sooronbaı Jeenbekov Nazarbaev týraly suraqqa jaýap bergen bolatyn. "Ol – bizdiń kórshiles aǵaıyndy eldiń prezıdenti. Áriptes memleketterge jáne el basshylaryna qurmetpen qaraımyz jáne osy qarym-qatynasty jalǵastyramyz", – degen edi Jeenbekov