نازارباەۆ قىرعىزستاننىڭ جاڭا پرەزيدەنتٸن قۇتتىقتادى
قازاقستان پرەزيدەنتٸ جەدەلحاتتا سوورونباي جەەنبەكوۆتٸڭ باسشىلىعىمەن قىرعىزستان ٶزٸنٸڭ قارقىندى دامۋ جولىندا جاڭا تابىستارعا جەتەتٸنٸنە سەنٸم بٸلدٸردٸ. "قازاقستان مەن قىرعىزستان اراسىنداعى ٶزارا تيٸمدٸ ىنتىماقتاستىققا نەگٸزدەلگەن قارىم-قاتىناس ەلدەرٸمٸزدٸڭ يگٸلٸگٸ ٷشٸن ودان ەرٸ دامي تٷسەدٸ دەپ سەنەمٸن. سٸزگە زور دەنساۋلىق, جاۋاپتى مەملەكەتتٸك قىزمەتٸڭٸزدە تابىس, ال باۋىرلاس قىرعىز حالقىنا بەيبٸت ٶمٸر مەن باق-بەرەكە تٸلەيمٸن", – دەلٸنگەن جەدەلحاتتا.
ەسكە سالا كەتەيٸك, سوتسيال-دەموكراتييالىق پارتييانىڭ اتىنان شىققان سوورونباي جەەنبەكوۆ قىرعىزستانداعى پرەزيدەنت سايلاۋىندا 54,75 پايىز داۋىس جيناپ, جەڭٸسكە جەتكەن بولاتىن. ال قىرعىز رەسپۋبليكاسىنىڭ ەكس-پرەمەر-مينيسترٸ ومۋربەك بابانوۆ 33,8 پايىز داۋىس جيناپ, ەكٸنشٸ ورىن الدى. ٷشٸنشٸ ورىندا "بۋتۋن قىرعىزستان" پارتيياسىنىڭ باسشىسى اداحان مادۋماروۆ – 6,47 پايىز داۋىس جينادى.
وسىعان دەيٸن سوورونباي جەەنبەكوۆ نازارباەۆ تۋرالى سۇراققا جاۋاپ بەرگەن بولاتىن. "ول – بٸزدٸڭ كٶرشٸلەس اعايىندى ەلدٸڭ پرەزيدەنتٸ. ەرٸپتەس مەملەكەتتەرگە جەنە ەل باسشىلارىنا قۇرمەتپەن قارايمىز جەنە وسى قارىم-قاتىناستى جالعاستىرامىز", – دەگەن ەدٸ جەەنبەكوۆ
