"Teńizshevroil" JShS (TShO) Teńiz ken ornyndaǵy jańa Úshinshi býyn zaýytynda (ÚBZ) shiki munaidy qaýipsiz óndirýdi bastap, óziniń Keleshek keńeiý jobasyn júzege asyrýda mańyzdy mejege qol jetkizdi. Bul meje aldaǵy ailarda ÚBZ-da óndirý kólemin birtindep arttyrýdyń bastalatynyn bildiredi jáne de Teńizdegi shiki munai óndirýdiń jalpy kólemi jylyna taǵy da 12 million tonnaǵa ulǵaiady dep kútilýde, dep jazady Dalanews.kz.
TShO JShS baspasóz qyzmetiniń málimetinshe, barlyq óndiristik nysandar tolyq iske qosylǵannan keiin, munai óndirýdiń jalpy jyldyq kólemi shamamen 40 million tonnany quraidy dep kútiledi.
"Bul Qazaqstanǵa salyqtar, roialti jáne basqa da tikelei qarjylyq tólemder esebinen qosymsha kiris ákeledi degen sóz", delingen kompaniia habarlamasynda.
Sondai-aq, KKJ negizgi óndiristiń senimdi jumysyn saqtaýǵa jáne Qazaqstannyń álemdik energetikalyq naryqtaǵy iri jetkizýshisi retindegi mártebesin nyǵaitýǵa septigin tigizedi.
"Keleshek keńeiý jobasyn tabysty júzege asyrý aýqymy men jahandyq kúrdeliligi turǵysynan qaraǵanda, mańyzdy jetistik bolyp tabylady. KKJ Qazaqstan úshin de, TShO-nyń aktsionerleri úshin de qosymsha qundylyq ákeledi. Biz Qazaqstan Respýblikasynyń Úkimetine, aktsionerlerimizge, merdiger kompaniialarǵa, talantty da bilikti qyzmetkerlerimizge jáne basqa da múddeli taraptarǵa osynaý mańyzdy mejege qol jetkizýdegi birlesken yntymaqtastyq pen qoldaýlary úshin shynaiy alǵysymyzdy bildirgimiz keledi", - dedi TShO-nyń bas direktory Kevin Laion.
TShO KKJ-ny júzege asyrý barysynda halyqaralyq kompaniialarmen seriktestik qatynastar sheńberinde tehnologiialar transferin qamtamasyz etip, Atyraý oblysyndaǵy infraqurylymdy jańǵyrtýǵa kómektesti.
"Qazaqstandyq kompaniialar keń aýqymdy jobalardy júzege asyrýda ózderiniń tamasha múmkindikterin dáleldedi. Teńizshevroil KKJ sheńberinde jergilikti taýarlar men qyzmetterdi satyp alýǵa shamamen 19,5 milliard AQSh dollary kóleminde investitsiia quidy jáne qazaqstandyq kompaniialarmen 1250-den astam kelisimshart jasasty" - dep atap ótti TShO bas direktorynyń orynbasary Kóńilqosh Súiesinov.
KKJ sheńberindegi qurylys jumystary qyzǵan shaqta shamamen 90 000 jumys orny ashyldy. Jobany júzege asyrý barysynda TShO 37 500-den astam oqytý kýrstary arqyly bilikti ulttyq mamandardy daiarlai otyryp, eldegi kadr áleýetin qalyptastyrýǵa aitarlyqtai úles qosty. Búginde bul mamandar alǵan tájiribelerin Qazaqstannyń ónerkásiptik jobalarynda da, halyqaralyq deńgeide de qoldana alady.
Aita ketsek, bul júzege asýy kópten kútilgen joba. Onyń qoldanysy OPEK shekteýlerine bailanysty kesheýildep jatqan. Eger OPEK taý-ken salasyna qatysty shekteýlerin ádettegidei, alda taǵy uzartsa bul arada múddeler qaqtyǵysy bolýy yqtimal. Óitkeni álemdik naryqta munaidyń artyq usynysy qaýpine bailanysty Saýd Arabiiasy TShO jobasyna narazy, negizi. Mundai jaǵdaida munai baǵasy kúrt quldyraýy yqtimal.
Osy taqyrypta saitymyzda "Qazaqstan OPEK-ten shyǵa salýy múmkin be - sarapshy pikir" degen maqala jariialanǵan. Bul arada kvotalyq shekteýlerden sharshaǵan kezinde Angolanyń OPEK-ten shyǵý jaiy qarastyrylady. Sondai-aq "2024 jyly Qazaqstan munaiy qai elderge eksporttalǵany belgili boldy" degen maqalany da oqi otyryńyzdar.
