Qazaqstandyq bankter yqtiiarhaty joq sheteldikterge arnap bank kartalaryn shyǵarýdy toqtatty. Atap aitqanda, Kaspi Bank jáne Home Credit Bank sheteldik azamattar úshin bank kartalaryn rásimdeýdi ýaqytsha toqtatty, dep habarlaidy Dalanews.kz.
Bul týraly RBK osy uiymdardyń klienttik qoldaý qyzmetterine silteme jasap habarlaidy.
"Home Credit Bank sheteldikterge kartalar berýdi belgisiz merzimge deiin toqtatty", delingen banktiń habarlamasynda.
"Kaspii bank beirezidentterge arnalǵan kartalardy shyǵarýdy 19 qańtardan 3 aqpanǵa deiin toqtatty, osy merzim ótkennen keiin rezident emesterge bank kartasy tek bir jyl merzimge shyǵaryla bastaidy. Bul rette aǵymdaǵy jyldyń 19 qańtaryna deiin berilgen barlyq kartalardyń qoldanys merzimi aiaqtalǵanǵa deiin jaramdy ekenin eskertemiz", dep naqtylanady bank saityndaǵy klientterge arnalǵan aqparatynda.
Iaǵni, mundai sheshim QR Qarjy naryǵyn retteý jáne damytý agenttiginiń (QNRDA) bir jyldan astam merzimge elimizde turýǵa yqtiiarhaty joq sheteldikterge kartalar ashýǵa tyiym salǵan qaýlysymen bailanysty ekeni aitylady. Jańa ereje qoldanystaǵy kartalarǵa qoldanylmaityny da naqtylanady.
Buǵan deiin Qazaqstanda beirezidentterdiń bank kartasynyń qoldanys merzimi bir jylmen shekteletinin jazǵan bolatynbyz.
