قازاقستاندىق بانكتەر ىقتييارحاتى جوق شەتەلدٸكتەرگە ارناپ بانك كارتالارىن شىعارۋدى توقتاتتى. اتاپ ايتقاندا, Kaspi Bank جەنە Home Credit Bank شەتەلدٸك ازاماتتار ٷشٸن بانك كارتالارىن رەسٸمدەۋدٸ ۋاقىتشا توقتاتتى, دەپ حابارلايدى Dalanews.kz.
بۇل تۋرالى ربك وسى ۇيىمداردىڭ كليەنتتٸك قولداۋ قىزمەتتەرٸنە سٸلتەمە جاساپ حابارلايدى.
"Home Credit Bank شەتەلدٸكتەرگە كارتالار بەرۋدٸ بەلگٸسٸز مەرزٸمگە دەيٸن توقتاتتى", دەلٸنگەن بانكتٸڭ حابارلاماسىندا.
"كاسپيي بانك بەيرەزيدەنتتەرگە ارنالعان كارتالاردى شىعارۋدى 19 قاڭتاردان 3 اقپانعا دەيٸن توقتاتتى, وسى مەرزٸم ٶتكەننەن كەيٸن رەزيدەنت ەمەستەرگە بانك كارتاسى تەك بٸر جىل مەرزٸمگە شىعارىلا باستايدى. بۇل رەتتە اعىمداعى جىلدىڭ 19 قاڭتارىنا دەيٸن بەرٸلگەن بارلىق كارتالاردىڭ قولدانىس مەرزٸمٸ اياقتالعانعا دەيٸن جارامدى ەكەنٸن ەسكەرتەمٸز", دەپ ناقتىلانادى بانك سايتىنداعى كليەنتتەرگە ارنالعان اقپاراتىندا.
ياعني, مۇنداي شەشٸم قر قارجى نارىعىن رەتتەۋ جەنە دامىتۋ اگەنتتٸگٸنٸڭ (قنردا) بٸر جىلدان استام مەرزٸمگە ەلٸمٸزدە تۇرۋعا ىقتييارحاتى جوق شەتەلدٸكتەرگە كارتالار اشۋعا تىيىم سالعان قاۋلىسىمەن بايلانىستى ەكەنٸ ايتىلادى. جاڭا ەرەجە قولدانىستاعى كارتالارعا قولدانىلمايتىنى دا ناقتىلانادى.
بۇعان دەيٸن قازاقستاندا بەيرەزيدەنتتەردٸڭ بانك كارتاسىنىڭ قولدانىس مەرزٸمٸ بٸر جىلمەن شەكتەلەتٸنٸن جازعان بولاتىنبىز.
