İs-sharany asha otyryp, jınalǵandarǵa Amanzholov University rektory Muhtar Tólegen sóz sóıledi.
– Tarıh betterin paraqtaı otyryp, biz Nursultan Ábishuly Nazarbaevtyń memlekettiliktiń qalyptasýyna qosqan eleýli úlesin aıqyndaı otyryp, Qazaqstannyń júrip ótken dara jolyn kórip otyrmyz. Tuńǵysh Prezıdenttiń bastamalary boıynsha jańa qazaqstandyq qoǵamnyń tynys-tirshiliginiń barlyq salalaryn reformalaý bastaldy. Memleket basshysy óz Jarlyqtarymen el men qoǵamdy jańǵyrtýǵa jol ashqan zańdardy ómirge ákeldi. Bizdiń jastar muny árdaıym túsinip, este ustaýy kerek, – dedi S.Amanjolov atyndaǵy SHQÝ rektory Muhtar Tólegen.
Dóńgelek ústel barysynda Qazaqstan halqy Assambleıasynyń múshesi, sondaı-aq respýblıkadaǵy alǵashqy oblystyq Qazaqstan halqy dostyq úıiniń negizin qalaýshylardyń biri Leo Shık Tuńǵysh Prezıdenttiń jas memleketti qurýdaǵy mańyzdy rólin atap ótip, tarıhı mańyzdy oqıǵalarǵa sholý jasady. Sonymen qatar, Leo Bogdanovıch Nursultan Nazarbaevtyń barlyq ulttyq-mádenı ortalyqtardy birtutas uıym – Qazaqstan halqy Assambleıasyna biriktirý týraly ıdeıasy tarıhı sheshim bolyp tabylatynyn atap ótti.
– Bizdiń Prezıdent qoǵamdaǵy etnosaralyq jáne konfesıaaralyq kelisimniń negizine aınalǵan tıimdi ulttyq saıasatty júrgizdi. Egemendiktiń basynan bastap Qazaqstannyń barlyq dıasporalary úshin ana tilin, mádenıetin, salt-dástúrin damytý úshin teń múmkindikter jasaldy. Búkil álemde etnosaralyq kelisimniń biregeı qazaqstandyq modeliniń bar ekendigi týraly aıtyla bastady. 1995 jylǵy 1 naýryzda Prezıdent Nursultan Nazarbaevtyń bastamasy boıynsha respýblıkadaǵy ultaralyq beıbitshilik pen turaqtylyqty retteýge jáne qoldaýǵa arnalǵan «Qazaqstan halqy Assambleıasy» biregeı qoǵamdyq ınstıtýty quryldy, – dedi Leo Shık.
S.Amanjolov atyndaǵy SHQÝ «Altaıtaný» ǴZO bas ǵylymı qyzmetkeri Eleonora Stolárova Qazaqstandaǵy etnosaralyq qatynastar boıynsha áleýmettik memlekettiń qalyptasý faktory týraly baıandama jasady.
– Búginde bizdiń sózsiz baılyǵymyz retinde qabyldaıtyn Qazaqstannyń polıetnostyǵyn sol kezde kóptegen sheteldik sarapshylar memleket pen qoǵamǵa óziniń birligin saqtaýǵa múmkindik bermeıtin jarylý qaýpi bar faktor retinde qarastyrǵan. Elbasynyń paradıgmasy, negizgi qundylyq retinde qalanǵan ultaralyq qatynastar saıasaty osy resýrsty áleýetti-táýekeldi búgingi kapıtalymyzdyń mańyzdy aspektileriniń birine aınaldyrýǵa múmkindik berdi, – deıdi Eleonora Stolárova.
Sonymen qatar, Amanzholov University senor-dáriskeri Aıgúl Jırenova jas urpaqqa Nursultan Nazarbaevtyń Semeı synaq polıgonyn jaýyp, ıadrolyq synaqtardan bas tartyp, álemge óziniń izgi nıetin qalaı kórsetkeni týraly toqtaldy.
– Qazaqstan táýelsizdik jyldarynda óz damýynda aıtarlyqtaı jetistikterge qol jetkizdi. Óziniń bitimgershilik qyzmeti men óńirlik qaýipsizdikti nyǵaıtý jónindegi jahandyq bastamalarynyń arqasynda elimiz eleýli saıası salmaq pen halyqaralyq bedelge ıe boldy. QR Tuńǵysh Prezıdenti kóptegen baǵyttarda sheshýshi ról atqardy. Elbasynyń alǵashqy jáne basty bastamalarynyń biri Qazaqstannyń ıadrolyq qarýdan óz erkimen bas tartýy boldy. Qazaqstan 1991 jyly ıadrolyq synaqtardan bas tartyp, Semeı synaq polıgonyn jaýyp, álemge óziniń izgi nıetin kórneki túrde kórsetti. Iadrolyq klýbtan óz erkimen shyǵý eldiń tıimdi qaýipsizdigin qamtamasyz etip, ekonomıkasyna jappaı ınvestısıa tartýǵa múmkindik berdi, – dedi Aıgúl Jırenova.
Aıta ketý kerek, dóńgelek ústel barysynda QR Tuńǵysh Prezıdenti kúnine oraı Amanzholov University daryndy stýdentteriniń shyǵarmalary jınaqtalǵan «Ushqynnan jalyn laýlaıdy» atty kitaptyń tusaýy kesildi.
Jas aqyndar arasynda «Qazaq tili men ádebıeti» mamandyǵynyń 3 kýrs stýdenti Aıtolqyn Bolatqyzy da bar. Jańa týyndynyń 115-betinde onyń "Abaı atama arnaý", "Karantın" sıaqty birneshe óleńderi kirdi.
Sondaı-aq, rektor Amanzholov University tarapynan Aıtolqynǵa Abaı atyndaǵy arnaıy stıpendıa taǵaıyndalǵanyn, sondaı-aq ol oblys ákimi grantynyń ıegeri ekenin atap ótti.
Aıta keteıik, Amanzholov University rektory Muhtar Tólegen Aıtolqyn Bolatqyzyna, sondaı - aq Qazaqstan Táýelsizdiginiń 30 jyldyǵyna arnalǵan jekpe-jekten jasóspirimder men jastar arasyndaǵy álem kýboginde jeńimpaz atanǵan "Memlekettik jáne jergilikti basqarý" mamandyǵynyń 3 kýrs stýdenti Jaras Tókenovke jáne "Kásiptik oqytý" mamandyǵynyń 4 kýrs stýdenti Túsigen Qurbanbekke 20 myń teńgeden sertıfıkattar tabys etti.
