Qazaqstan Respýblıkasynyń Memlekettik hatshysy Qyrymbek Kósherbaevtyń tóraǵalyǵymen «Otandastar qory» komersıalyq emes aksıonerlik qoǵamy Qamqorshylar keńesiniń kezekti otyrysy ótti, – dep habarlaıdy Dalanews.kz.

Keńes otyrysyna QR Memlekettik hatshysy Qyrymbek Kósherbaev, QR Prezıdenti Ákimshiligi Basshysynyń birinshi orynbasary Dáýren Abaev, QR Premer-Mınıstriniń orynbasary Eraly Toǵjanov, QR Parlamenti Májilisiniń depýtattary jáne «Otandastar qory» KeAQ Qamqorshylar keńesiniń basqa da músheleri qatysty.

Keńes otyrysynyń kún tártibinde memlekettik tapsyrmany oryndaý boıynsha Qoǵamnyń jumysy týraly jáne alǵa qoıylǵan mindetteri týraly máseleler qaraldy.

Keńes otyrysynyń qorytyndysymen Memlekettik hatshy quzyrly memlekettik organ basshylaryna Qor jumysyn jandandyrý boıynsha  tıisti tapsyrmalar berdi.

Sonymen birge, «Otandastar qory» Qoǵamy Qamqorshylar keńesiniń jańa quramy tanystyrylyp, Keńestiń tóraǵalyǵyna QR Memlekettik hatshysy Qyrymbek Kósherbaev jáne orynbasarlyǵyna QR Prezıdenti Ákimshiligi Basshysynyń birinshi orynbasary Dáýren Abaev pen QR Premer-Mınıstriniń orynbasary Eraly Toǵjanov saılandy.