Kezekten tys Prezident sailaýda jeńiske jetken Toqaev Qazaqstannyń Eýroodaqpen bailanysty jandandyratyn ashyp aitqan edi.
Bul – usynys Pýtinge unamaǵan syndy. Qazaqstandy strategiialyq áriptes sanaityn Kreml odaqtasynyń Batyspen tonnyń ishki baýyndai aralasyp ketkenin qalamaidy. Osy oraida Pýtin Qazaqstandy ózine jipsiz bailap qoiýdyń amalyn tapqan syńaily...
[perfectpullquote align="full" bordertop="false" cite="" link="" color="" class="" size=""]
Búgin Armeniiada ótken Ujymdyq qaýipsizdik kelisim-sharty uiymynyń kezekti basqosýynda uiymnyń tóraǵalyǵy Qazaqstanǵa ótetinin belgili boldy.[/perfectpullquote]
Armeniia basshysy Nikol Pashiniannyń UQShU tóraǵasy bolýǵa Imanǵali Tasmaǵambetovtyń kandidatýrsyn qoldaýdy Toqaevtan qiylyp... suraǵanyna kýá boldyq. Pashiniannyń ar jaǵynda Pýtin turǵany anyq.
Osydan keiin prezident Toqaevtyń olardyń ótinishin qabyl alǵany jaiyndaǵy aqparat tarady.
Imekeń Máskeýdegi elshilik qyzmetin ótkizip bergennen keiin de Kremldi ainalshyqtap shyqpai júrgeni endi belgili boldy.
Biletin adamdar búginde Tasmaǵambetovtyń kóp ýaqytyn Reseiden ótkizetinin DALA INSIDE-qa syzdyqtatyp aitqan bolatyn.
Qazaqshyl qaýym Tasmaǵambetovtyń kóp ýaqytyn Reseide ótkizetine tańqalǵan edi.
Bul taǵaiyndaýdan keiin qazaq qoǵamynda Tasmaǵambetovke qatysty jańa kózqaras qalyptasatyny sózsiz.
UQShU-nyń tóraǵalyǵy Imekeńniń saiasi keńistiktegi, saiasattyń kýlýaryndaǵy salmaǵyn arttyrýy múmkin.
Biraq dál osy joly Tasmaǵambetov Qańtar oqiǵasynan keiin Qazaqstandaǵy saiasi ólshemderdiń basqa arnaǵa aýyp ketkenin eskermegenin anyq baiqadyq.
Qańtar oqiǵasynan keiin halyqtyń Ujymdyq kelisim-sharty uiymyna degen kózqarasy kúrt ózgerdi.
Osylaisha UQShU qazaq qoǵamy úshin ýytty, ziiankes uiymǵa ainalǵany belgili. Imekeń muny bile tura uiymdy basqarýǵa kelisimin bergenin túsine almadyq.
Qazaqstandy bylai qoiǵanda UQShU-ǵa múshe elder arasynda atalǵan uiymnyń tartymdylyǵy kúrt tómendegeni belgili.
Postkeńestik elderdegi aýditoriia (bilik emes) bul uiymnyń qaýqary qalmaǵanyn moiyndap qoidy.
Biyl Peterborda ótken UQShU-nyń jiynyna qyrǵyz basshysy Sadyr Japarov barmai, uiymnyń qyrǵyz ben tájik arasyndaǵy qaqtyǵysty sheshýge qaýqary kelmei otyrǵanyn ashyq ańǵartqan.
Al armiandar (Pashinian emes) mundai aimaqaralyq qaýipsizdikti qamtamasyz ete almai otyrǵan uiymnan shyǵý týrasynda bastama kótergenin bilemiz. Osylaisha UQShU aidai álemge óziniń árketsizdigimen ábden tanylyp, súikimsiz uiym retinde tanyldy.
Al osyndai uiymǵa ultjandy azamat (memleketshil dep endi aitý artyq bolar) Imekeńniń taǵaiyndalýy onyń saiasi salmaǵyna kóleńke túsireri anyq.
Imekeń saiasatqa oralý úshin UQShU-ny paidalanýy múmkin be? Bul endi bos qiial. Óitkeni tarih eki ret qaitalanbaidy. Al osy uiymnyń janazasyn tezdetip shyǵarsa, onda tarihta qalýy yqtimal.
Avtor Nurlan JUMAHAN
