24 qarasha kúni «Samruk-Kazyna Trust» qory qarjylandyratyn Jańaózen qalasynyń áleýmettik sala nysandaryna jergilikti BAQ pen ÚEU ókilderi, qoǵam belsendileri, óńir men «Samuryq-Qazyna» AQ ókilderi, qoǵam qairatkerleri, Mańǵystaý oblystyq máslihatynyń depýtattary qatysty. Týr baǵdarlamasyna sáikes qonaqtar jańa jobalardyń qoldanystaǵy nysandary men qurylys alańdaryna bardy.
Memleket basshysy jariialaǵan «Balalar jylynda» Qor óskeleń urpaqqa sapaly meditsinalyq jáne bilim berý qyzmetterin alý úshin jaǵdai jasaý jónindegi bastamalardy iske asyrýǵa erekshe nazar aýdarady. Basymdyq berilgen jobalardyń biri – Jańaózen qalasynyń úsh jalpy bilim beretin mektebin jańa partalar jiyntyǵymen jáne interaktivti taqtalarmen jabdyqtaý. Kópshilik jinalǵan shara barysynda №22 mekteptiń direktory Záýre Qusaiynova kabinetterge ekskýrsiia ótkizdi, onda oqýshylar jańa ergonomikalyq partalarda otyryp bilimderin shyńdaýda, al muǵalimder zamanaýi interaktivti taqtalardy qoldana otyryp taqyryptardy tereń túsindirdi. Jobanyń jalpy biýdjeti 169 mln teńgeni qurady.
– Interaktivti taqtalar qyrkúiek aiynda ornatyldy. Jańa tehnologiialar bizge pándi tereńirek zertteýge jáne oqý materialyn meńgerýge kómektesedi. Tapsyrmalardy oryndaý kezinde bizge syzbalardy syzý jáne onlain qyzmetter arqyly geografiialyq kartalarmen jumys isteý yńǵaily. Slaidtarmen jumys isteý tipti qyzyqty boldy, – dep bólisti 9 «Á» synyp oqýshysy Diliara Izbasar.
Rahmet Ótesinov atyndaǵy dene shynyqtyrý-saýyqtyrý kesheninde erekshe balalarǵa arnalǵan eki áleýmettik nysan el nazaryna usynyldy – onyń biri «Balaqai» ońaltý ortalyǵy, al ekinshisi «Salamatty bolashaq» beiimdeý sport sektsiialary. «Samuryq-Qazyna» AQ kompaniialar tobynyń atynan bólingen 40 mln teńge mólsherindegi qarjylyq kómek sal jáne neiro-ortopediialyq aýrýlary bar 600 balaǵa arnalǵan ońaltý ortalyǵynyń meditsinalyq jabdyqtaryna qarastyryldy. Munda erekshe qajettilikteri bar balalar «Teń múmkindikter álemi» qoǵamdyq qory uiymdastyrǵan júzý jáne bochcha sektsiialarymen ainalysady. Bul jobanyń quny 6,5 mln teńgeni qurady.
Erekshe balalardyń ata-analary úshin óńirlerde osyndai ortalyqtardyń ashylýy úlken kómek. Bala dertine em izdep jol júrýge aqsha men ýaqyt jumsamai, balany úide damytýǵa jáne emdeýge múmkindik berý – bul otbasylar úshin eń mańyzdy nárse.
Baspasóz týrynyń josparyna sáikes kelesi nysany dene shynyqtyrý-saýyqtyrý kesheni boldy, onda olimpiadalyq rezervtegi oqýshylar men jasóspirimder sport mektebi erkin kúres, karate, gimnastika jáne t.b. sport sektsiialarymen ainalysady. Sport kesheni «Samuryq-Qazyna» AQ kompaniialar tobynyń qarjylyq qoldaýymen salyndy, onyń quny – 228,3 mln teńge. Qurylymǵa oiyn sportyna arnalǵan ámbebap sport alańy, kúres alańy jáne eki jolaqty júgirý joly kiredi.
Baspasóz týry sońynda qatysýshylar Jańaózen qalasy men Jetibai aýylyndaǵy «Sport alańdaryn salý» jobasy boiynsha jumystary bastalǵan nysandardy aralady. Joba aiasynda jalpy somasy 1 milliard teńgeden astam 400-den 1200 sharshy metr aralyǵynda 21 sport alańy salynady. 2023 jyldyń 2 toqsanynyń sońyna deiin Jańaózen qalasynda 16 alań, Jetibai aýylynda 5 alań qoldanysqa beriledi.
–«Samuryq-Qazyna» kompaniialarynyń toby Jańaózen qalasynda kóptegen áleýmettik máselelerdi sheshýde qoldaý kórsetip keledi. Mysaly, «Jarylqaý» jobasy aiasynda mektepterdi jihazben jáne jabdyqtarmen jaraqtandyrý, ońaltý ortalyǵyn, beiimdelgish sport sektsiialaryn ashý jáne basqa da nysandar. Bul qalanyń damýyna jáne balalarymyzdyń bolashaǵyna baǵa jetpes úlken úles. Bizdiń búgingi yntymaqtastyǵymyz turaqty jáne tabysty bolady dep úmittenemiz! – dep atap ótti Mańǵystaý oblysy máslihatynyń depýtaty Juldyz Muhambetqaliqyzy.
«Samruk-Kazyna Trust» qory «Samuryq-Qazyna» AQ kompaniialar toby atynan qaiyrymdylyq jobalaryn iske asyrady jáne birinshi kezekte halyq úshin áleýmettik mańyzy bar máselelerdi sheshýge nazar aýdarady jáne Mańǵystaý oblysynda bar úkimettik emes uiymdar men portfeldik kompaniialardyń bastamalaryn qoldaýǵa daiyn. Biyl ǵana óńirden 1,8 mlrd teńge somaǵa 8 joba maquldandy.
«Samuryq-Qazyna» AQ kompaniialar tobynyń qarjylai qoldaýynyń arqasynda Mańǵystaý oblysynda 4,2 milliard teńgege 42 áleýmettik joba iske asyryldy.
