24 قاراشا كۇنى «Samruk-Kazyna Trust» قورى قارجىلاندىراتىن جاڭاوزەن قالاسىنىڭ الەۋمەتتىك سالا نىساندارىنا جەرگىلىكتى ب ا ق پەن ۇەۇ وكىلدەرى، قوعام بەلسەندىلەرى، ءوڭىر مەن «سامۇرىق-قازىنا» اق وكىلدەرى، قوعام قايراتكەرلەرى، ماڭعىستاۋ وبلىستىق ءماسليحاتىنىڭ دەپۋتاتتارى قاتىستى. تۋر باعدارلاماسىنا سايكەس قوناقتار جاڭا جوبالاردىڭ قولدانىستاعى نىساندارى مەن قۇرىلىس الاڭدارىنا باردى.
مەملەكەت باسشىسى جاريالاعان «بالالار جىلىندا» قور وسكەلەڭ ۇرپاققا ساپالى مەديسينالىق جانە ءبىلىم بەرۋ قىزمەتتەرىن الۋ ءۇشىن جاعداي جاساۋ جونىندەگى باستامالاردى ىسكە اسىرۋعا ەرەكشە نازار اۋدارادى. باسىمدىق بەرىلگەن جوبالاردىڭ ءبىرى – جاڭاوزەن قالاسىنىڭ ءۇش جالپى ءبىلىم بەرەتىن مەكتەبىن جاڭا پارتالار جيىنتىعىمەن جانە ينتەراكتيۆتى تاقتالارمەن جابدىقتاۋ. كوپشىلىك جينالعان شارا بارىسىندا №22 مەكتەپتىڭ ديرەكتورى زاۋرە قۇسايىنوۆا كابينەتتەرگە ەكسكۋرسيا وتكىزدى، وندا وقۋشىلار جاڭا ەرگونوميكالىق پارتالاردا وتىرىپ بىلىمدەرىن شىڭداۋدا، ال مۇعالىمدەر زاماناۋي ينتەراكتيۆتى تاقتالاردى قولدانا وتىرىپ تاقىرىپتاردى تەرەڭ ءتۇسىندىردى. جوبانىڭ جالپى بيۋدجەتى 169 ملن تەڭگەنى قۇرادى.
– ينتەراكتيۆتى تاقتالار قىركۇيەك ايىندا ورناتىلدى. جاڭا تەحنولوگيالار بىزگە ءپاندى تەرەڭىرەك زەرتتەۋگە جانە وقۋ ماتەريالىن مەڭگەرۋگە كومەكتەسەدى. تاپسىرمالاردى ورىنداۋ كەزىندە بىزگە سىزبالاردى سىزۋ جانە ونلاين قىزمەتتەر ارقىلى گەوگرافيالىق كارتالارمەن جۇمىس ىستەۋ ىڭعايلى. سلايدتارمەن جۇمىس ىستەۋ ءتىپتى قىزىقتى بولدى، – دەپ ءبولىستى 9 «ءا» سىنىپ وقۋشىسى ديليارا ءىزباسار.
راحمەت وتەسىنوۆ اتىنداعى دەنە شىنىقتىرۋ-ساۋىقتىرۋ كەشەنىندە ەرەكشە بالالارعا ارنالعان ەكى الەۋمەتتىك نىسان ەل نازارىنا ۇسىنىلدى – ونىڭ ءبىرى «بالاقاي» وڭالتۋ ورتالىعى، ال ەكىنشىسى «سالاماتتى بولاشاق» بەيىمدەۋ سپورت سەكسيالارى. «سامۇرىق-قازىنا» اق كومپانيالار توبىنىڭ اتىنان بولىنگەن 40 ملن تەڭگە مولشەرىندەگى قارجىلىق كومەك سال جانە نەيرو-ورتوپەديالىق اۋرۋلارى بار 600 بالاعا ارنالعان وڭالتۋ ورتالىعىنىڭ مەديسينالىق جابدىقتارىنا قاراستىرىلدى. مۇندا ەرەكشە قاجەتتىلىكتەرى بار بالالار «تەڭ مۇمكىندىكتەر الەمى» قوعامدىق قورى ۇيىمداستىرعان ءجۇزۋ جانە بوچچا سەكسيالارىمەن اينالىسادى. بۇل جوبانىڭ قۇنى 6،5 ملن تەڭگەنى قۇرادى.
ەرەكشە بالالاردىڭ اتا-انالارى ءۇشىن وڭىرلەردە وسىنداي ورتالىقتاردىڭ اشىلۋى ۇلكەن كومەك. بالا دەرتىنە ەم ىزدەپ جول جۇرۋگە اقشا مەن ۋاقىت جۇمساماي، بالانى ۇيدە دامىتۋعا جانە ەمدەۋگە مۇمكىندىك بەرۋ – بۇل وتباسىلار ءۇشىن ەڭ ماڭىزدى نارسە.
– نەمەرەمنىڭ دەنساۋلىعىندا ەكى ايلىعىنان باستاپ السىزدىك بىلىنە باستادى، كەيىن ءبىز دەنساۋلىعىنا قاتىستى تالداۋ جۇمىستارىن جۇرگىزگەن ەدىك، ناتيجەلەرى وڭ بولىپ شىعىپ - دامۋىنىڭ كەشىگۋى انىقتالدى. ءقازىر «بالاقاي» وڭالتۋ ورتالىعىندا ءۇشىنشى كۋرستان ءوتىپ جاتىرمىز. بۇگىندە نۇرتىلەكتىڭ دەنساۋلىعى جاقسارا باستادى، وتىرۋدى ۇيرەندى، ەندى جۇرۋگە تالپىنىس جاساپ ءجۇر! مەن ورتالىق ۇجىمىنا جانە «سامۇرىق-قازىنا» قورىنىڭ جاساپ جاتقان ەڭبەگىنە العىس ايتامىن. سىزدەرگە تەك وركەندەۋ مەن ساتتىلىك تىلەيمىن! – دەپ ويىمەن ءبولىستى ءاليا ەرگەپوۆا.
باسپا ءسوز تۋرىنىڭ جوسپارىنا سايكەس كەلەسى نىسانى دەنە شىنىقتىرۋ-ساۋىقتىرۋ كەشەنى بولدى، وندا وليمپيادالىق رەزەرۆتەگى وقۋشىلار مەن جاسوسپىرىمدەر سپورت مەكتەبى ەركىن كۇرەس، كاراتە، گيمناستيكا جانە ت.ب. سپورت سەكسيالارىمەن اينالىسادى. سپورت كەشەنى «سامۇرىق-قازىنا» اق كومپانيالار توبىنىڭ قارجىلىق قولداۋىمەن سالىندى، ونىڭ قۇنى – 228،3 ملن تەڭگە. قۇرىلىمعا ويىن سپورتىنا ارنالعان امبەباپ سپورت الاڭى، كۇرەس الاڭى جانە ەكى جولاقتى جۇگىرۋ جولى كىرەدى.
باسپا ءسوز تۋرى سوڭىندا قاتىسۋشىلار جاڭاوزەن قالاسى مەن جەتىباي اۋىلىنداعى «سپورت الاڭدارىن سالۋ» جوباسى بويىنشا جۇمىستارى باستالعان نىسانداردى ارالادى. جوبا اياسىندا جالپى سوماسى 1 ميلليارد تەڭگەدەن استام 400-دەن 1200 شارشى مەتر ارالىعىندا 21 سپورت الاڭى سالىنادى. 2023 جىلدىڭ 2 توقسانىنىڭ سوڭىنا دەيىن جاڭاوزەن قالاسىندا 16 الاڭ، جەتىباي اۋىلىندا 5 الاڭ قولدانىسقا بەرىلەدى.
–«سامۇرىق-قازىنا» كومپانيالارىنىڭ توبى جاڭاوزەن قالاسىندا كوپتەگەن الەۋمەتتىك ماسەلەلەردى شەشۋدە قولداۋ كورسەتىپ كەلەدى. مىسالى، «جارىلقاۋ» جوباسى اياسىندا مەكتەپتەردى جيھازبەن جانە جابدىقتارمەن جاراقتاندىرۋ، وڭالتۋ ورتالىعىن، بەيىمدەلگىش سپورت سەكسيالارىن اشۋ جانە باسقا دا نىساندار. بۇل قالانىڭ دامۋىنا جانە بالالارىمىزدىڭ بولاشاعىنا باعا جەتپەس ۇلكەن ۇلەس. ءبىزدىڭ بۇگىنگى ىنتىماقتاستىعىمىز تۇراقتى جانە تابىستى بولادى دەپ ۇمىتتەنەمىز! – دەپ اتاپ ءوتتى ماڭعىستاۋ وبلىسى ءماسليحاتىنىڭ دەپۋتاتى جۇلدىز مۇحامبەتقالي قىزى.
«Samruk-Kazyna Trust» قورى «سامۇرىق-قازىنا» اق كومپانيالار توبى اتىنان قايىرىمدىلىق جوبالارىن ىسكە اسىرادى جانە ءبىرىنشى كەزەكتە حالىق ءۇشىن الەۋمەتتىك ماڭىزى بار ماسەلەلەردى شەشۋگە نازار اۋدارادى جانە ماڭعىستاۋ وبلىسىندا بار ۇكىمەتتىك ەمەس ۇيىمدار مەن پورتفەلدىك كومپانيالاردىڭ باستامالارىن قولداۋعا دايىن. بيىل عانا وڭىردەن 1،8 ملرد تەڭگە سوماعا 8 جوبا ماقۇلداندى.
«سامۇرىق-قازىنا» اق كومپانيالار توبىنىڭ قارجىلاي قولداۋىنىڭ ارقاسىندا ماڭعىستاۋ وبلىسىندا 4،2 ميلليارد تەڭگەگە 42 الەۋمەتتىك جوبا ىسكە اسىرىلدى.
