Óner jáne mádeniet fakýltetiniń muryndyq bolýymen alǵash ret ótkizilip otyrǵan óner dodasynyń maqsaty – elimizdegi ulttar men ulystardyń bilerine degen qyzyǵýshylyq pen qurmetti arttyrý jáne halyqtardyń salt-dástúri men rýhani mádenietin nasihattaý. Sonymen qatar, Jambyl oblysyndaǵy talantty jastardy anyqtaý, olardy bekzat ónerge baýlý arqyly shyǵarmashylyq qarym-qabiletin damytý, estetikalyq talǵamdaryn qalyptastyrý.
Saiystyń saltanatty ashylý rásiminde TarMPI rektory Dariia Qojamjarova sharanyń máni men mańyzyna toqtalyp, qatysýshylarǵa sáttilik tiledi.
– Bi óneri – babadan balaǵa mura bolyp kele jatqan, bishiniń qozǵalysy men dene qimyly arqyly kórkem obrazdy beineleitin ulttyq sahna óneri. Halyqtyq bi óneri erte zamannan qalyptasyp, onyń asa bai aýyz ádebietimen, án-kúilerimen, dástúrli turmys saltymen bite qainasqan asyl mura. Ulttyń ulylyǵyn ulyqtaityn qundylyǵy, baǵa jetpes bailyǵy. Halyqtardyń kórkemdik oiynyń bir kórinisi retindegi bekzat óner bolmysynda barsha adamzattyń jalpy dúnietanymyna sai arman-murattaryn beineleitin qimyldar júiesin qalyptastyrǵan. Máselen, qazaq halqy da ejelgi bi óneriniń dástúri men órnegin saqtap, óziniń rýhani qazynasymen ushtastyra otyryp, ǵasyrlar boiy damytqan. Qazaq bii – keshegi kóshpendilerdiń turmys-tirshiligin tabiǵatpen astastyryp, ulttyq tanym-talǵamǵa sai kórkem beinelegen óner. Qazaq bii – ulttyq ideianyń negizi, tarihi muralarymyzdyń biregeii. Qarasha qaýym «Qazaq bi óneriniń hanshaiymy» dep at qoiyp, aidar taqqan Shara Jienqulovanyń búgingi izbasarlary baiqaýda baqtary men baptaryn synamaq. Talaptaryńa nur jaýsyn degim keledi. Óner jolyndaǵy alǵashqy qadamdaryńa sáttilik tileimin! – dedi D. Qojamjarova.
Baiqaýda Merki, Jýaly, Turar Rysqulov, Talas, Baizaq, Jambyl aýdandary men Taraz qalasyndaǵy jalpy bilim beretin mektep, litsei, gimnaziialardyń 21 oqýshysy baǵy men babyn synady. Óner dodasy eki kezeń boiynsha júrgizildi. Alǵashqy týrda qatysýshylar qazaq halqynyń, ekinshi kezeńde ózge ulttyń bilerin oryndap, ózara synǵa tústi.
Saiysqa belgili óner maitalmandary qazylyq jasady. Konkýrs barysynda qatysýshylar oryndaýshylyq sheberligi, sahnalyq beineni somdaýy, kompozitsiialyq sheshimi, mýzykalyq súiemeldeýdiń utymdy tańdalýy, ártistik qabileti jáne syrtqy pishinniń bi mánerine sáikes kelýi syndy talaptar boiynsha baǵalandy.
– Baiqaýda baǵyn synaýshylardyń daiyndyqtary joǵary deńgeide ekenin atap ótken abzal. Saiys kezeńderinde qarym-qabiletterin múmkindiginshe kórsetýge tyrysty. Osy oraida aita ketken jón, bul joba jastarǵa úlken múmkindik syilaidy. Olar óz boiyndaǵy ónerin ǵana kórsetip qoimaidy, sondai-aq joǵary oqý orynynyń maman horeograftarymen de jumys istep, dáris alady. Bul keleshekte kásibi bishi retinde shyńdala túsýine sep bolmaq. Sonymen qatar, bundai baiqaý óńirimizde alǵash ret uiymdastyrylyp otyrǵandyǵyn da aita ketkimiz keledi, – deidi qazylar alqasynyń músheleri.
Uiymdastyrýshylardyń aitýynsha, bishilerdiń qai ulttyń biin oryndaityndyǵy mańyzdy emes. Bastysy – olar óz óneri arqyly bidiń ómirindegi alar oryny men áserin sheber kórsete bilýi tiis.
Baiqaý qorytyndysy boiynsha Kseniia Rýdakova «júzden – júirik, myńnan – tulpar shyǵyp», bas júldege ie boldy. Oǵan institýt rektory Dariia Qojamjarova taǵaiyndaǵan TarMPI-da «Horeografiia» mamandyǵy boiynsha bilim alýǵa 100 paiyzdyq jeńildik beriletini týraly sertifikat tabystaldy.
Al, 1-oryn iegeri Tatiana Dýma 75 paiyzdyq, 2-oryn iegeri Adiia Bekmýrzaeva 50 paiyzdyq jáne 3-oryn iegeri Merýert Abikýl 30 paiyzdyq oqý jeńildigine qol jetkizdi. Sondai-aq, oqýshylardy baiqaýǵa daiyndaǵan ustazdary «Úzdik baletmeisterlik jumys», «Horeografiialyq shyǵarmashylyq jáne biregei ideialar» atalymdary boiynsha arnaiy diplomdarmen marapattaldy.
– Túsine bilgen adamǵa bi – ómirdiń ózi. Túrli dene qimyldary arqyly oiyńdy, kóńil-kúiińdi jetkizýge bolady. Osyndai baiqaýdy ótkizýge uiytqy bolǵan institýt basshylyǵyna alǵysym sheksiz. Endi bolashaqta bilim ordasynda «Horeografiia» mamandyǵy boiynsha dáris alyp, bi óneriniń qyr-syryn meńgeretin bolamyn, – deidi óner saiysynyń jeńimpazy Kseniia Rýdakova.
Jambyl oblys ákiminiń baspasóz qyzmeti
