Jambyl oblysynda jylytý maýsymy oidaǵydai ótýde
– Dál qazir oblystyń turǵyndary men biýdjettik mekemeler tiisti otyn qorymen tolyq qamtylǵan. Biýdjettik mekemelerge 67,2 myń tonna jáne turǵyndarǵa qajetti 346,8 myń tonna kómir tolyq kólemde jetkizilgen. Oblystyń kishi qalalaryndaǵy ortalyq qazandyqtar da tiisti otyn qorymen tolyq qamtylǵan. Sonymen qatar, Jańatas qalasyna qosymsha 500 tonna mazýt satyp alýǵa oblys biýdjetinen 22,6 mln.teńge qaralýda jáne «Jańatas-Sý-Jylý» kásiporny tarapynan 181 tonna mazýt satyp alý sharalary júrgizilýde. Oblysymyz saǵatyna 225 myń metr kýb. gaz tutynýda. Barlyq tutynýshylarǵa, óndiristik jáne kommýnaldyq kásiporyndarǵa tabiǵi gaz úzdiksiz jetkizilip tur. Odan basqa, oblysymyzda Aqyrtóbe jer asty gaz saqtaý qoimasynda 135 mln. m3 taýarlyq gaz qory jinaqtalǵan. Sondai-aq, elektr energiiasyn ortasha saǵattyq tutyný 333-335 MVt quraidy, – dedi E. Kósherbaev.
Memleket basshysy N. Nazarbaevtyń biylǵy Qazaqstan halqyna arnaǵan Joldaýyna sáikes, «Nurly jol» infraqurylymdy damytý baǵdarlamasyn júzege asyrý úshin jylýmen qamtý júiesin jaqsartý, jylý jelileriniń tozý deńgeiin azaitý jáne qazandyq jabdyqtaryn jańartý jumystaryn júrgizý maqsatynda oblysta 2016-2020 jyldarǵa arnalǵan arnaiy keshendi baǵdarlamasy ázirlengen. Baǵdarlamaǵa sáikes, boljammen 17,0 mlrd. teńgege 36,14 shaqyrym jylý jelilerin aýystyrý josparlanǵan. Onyń ishinde 2017 jyly 9 531,3 mln. teńgege Taraz qalasyndaǵy birneshe jylytý magistralyn jańǵyrtý boiynsha tiisti ministrlikterge biýdjettik tapsyrystar berildi. Sonymen qatar, atalmysh baǵdarlamanyń aiasynda biylǵy jylǵa Taraz qalasynyń jylý jelilerin qaita jańǵyrtý úshin somasy 47,3 mln. tengege 4 joba ázirlenýde.
Josparlanǵan is-sharalardy júzege asyrý nátijesinde jylý shyǵyndary normativtik dengeige jetedi, jylý jelileriniń tozyǵy 69,1%-dan 48,2% deiin nemese 21%-ǵa azaiady dep kútilýde.
Sonymen birge, 2017 jyly 280,3 mln. teńgege Shý qalasynyń ortalyq qazandyǵyn gazǵa aýystyrý jobasy da iske asyrylmaq. Sondai-aq, Qosymsha sý ysytqysh qazan ornatý arqyly Taraz qalasyndaǵy RK-4 aýdandyq qazandyǵynyń jylý qýatyn ulǵaitýǵa quny 1 362,0 mln. tengege ótpeli joba iske asyrylmaq.
Gaz tasymaldaý júiesin damytý baǵdarlamasyna sáikes, 2017 jyly 1 587,130 mln.teńgege 2 jobanyń qurylysy jáne 7 jobalyq-smetalyq qujattama ázirleýge qarajat qaralyp, jumystar júrgizilmek. Al, «Oblystyq biýdjetterge, Astana jáne Almaty qalalarynyń biýdjetterine jylý energetikalyq júiesin damytýǵa arnalǵan nysanaly transfertteri» biýdjettik baǵdarlamasy boiynsha respýblikalyq biýdjetten 4 jobany iske asyrýǵa 2 857,1 mln.teńgege biýdjettik ótinimder ótkizildi.
Jambyl oblys ákiminiń baspasóz qyzmeti
