Uzaq ýaqyttyq dekrettik demalystan keıin Móldir Áýelbekova qyzý jumysqa kiristi. Uly nebári 3 aıǵa tolǵanda beınebaıan túsirgen ánshi onyń shıki shyqqanyn moıyndady. Oǵan birneshe sebep bar kórinedi.
– Asyǵys jarty kúnde túsirilgen beıneklıp. Bosanyp 3 aıda qatarǵa ený qıyndaý eken, sonda da qoımaı túsirdik! Klıpke kıetin kıimderdi túsirilim alańynda bir-aq kórdim! Shash úlgisi men bet árleýdi birneshe ret ózgertýge dym ýaqyt bolmady! Bıdi sol jerde jattadym! Eń mańyzdysy asyqqan sebebim – úıde 3 aılyq qulynshaǵym kútip otyrdy! – dep jazady Móldir jelidegi paraqshasynda.
Ánshi kelesi beınebaıanǵa daıyndalyp jatqanyn jasyrmady. Ol endigi beıneklıpke asyqpaı daıyndalatynyna ýáde berdi.
Este bolsa, buǵan deıin Móldirdiń “Týǵan el” atty beınebaıany týraly jazǵan edik.
