Jambyl oblysynda 5 mıllıon teńge bopsalaǵan qoǵam belsendisi ustaldy, dep habarlaıdy Dalanews.kz.
Taraz qalasynyń turǵyny ózin bopsalap júrgen adamǵa baılanysty aryzdanǵan. Ótinish ıesiniń aıtýynsha, kúdikti onyń ar-namysyna, qadir-qasıetine jáne iskerlik bedeline nuqsan keltiretin málimetti áleýmettik jelilerde taratamyn dep qorqytyp, ony jarıalamaý úshin 5 mıllıon teńge talap etken.
Bul derek boıynsha sotaldy tergep-tekserý bastaldy.
"Jedel is-sharalar nátıjesinde kúdikti aryzdanýshyǵa qysym kórsetýdi toqtatý jáne buǵan deıin áleýmettik jelilerde jarıalanǵan jaǵymsyz pikirdi óshirý úshin alynǵan aqshany berý kezinde ustaldy", - dedi İİM ókili.
