Ekologiia ministrligi Almatydaǵy tumshanyń basty sebebi avtokólikter dep jyldar boiy aityp keldi. Vedomstvo taratqan málimetterde ziiandy shyǵaryndylardyń 60 paiyzy kólikke tiesili ekeni kórsetiletin. Alaida halyqaralyq sarapshylar júrgizgen zertteý múlde basqa nátijeni kórsetti, dep habarlaidy Dalanews.kz.
Ólsheý qorytyndysyna sáikes, Almatydaǵy PM 2.5 dep atalatyn usaq qatty bólshekterdiń deńgeii Dúniejúzilik densaýlyq saqtaý uiymy belgilegen normadan jeti eseden astam joǵary.
Zertteý derekterine qaraǵanda, aýany eń kóp lastaityn negizgi kózder – jylý elektr ortalyqtary men kómir jaǵatyn jeke sektor. Olardyń jiyntyq úlesi 34 paiyzdy quraidy. Budan keiingi iri faktor – jol boiynan kóteriletin shań. Onyń úlesi 32 paiyzǵa jetedi.
Sarapshylardyń aitýynsha, lastanýdyń taǵy 20 paiyzy qalanyń qazanshuńqyrda ornalasýyna bailanysty jinalyp qalatyn aýa massalarynyń áserinen bolady. Al avtokólik shyǵaryndylarynyń naqty úlesi nebári 14 paiyz bolyp shyqqan.
Osylaisha, zertteý nátijesi jappai elektromobilge kóshý Almatydaǵy las aýa máselesin tolyq sheshpeitinin kórsetti.
