Qazaqstanda mindetti áleýmettik meditsinalyq saqtandyrý (MÁMS) júiesin qaita jańǵyrtý josparlanyp otyr. Úkimette Premer-ministrdiń tóraǵalyǵymen ótken keńeste qor jumysynyń jańa tetikteri qaralyp, qarjy ainalymyna tolyq baqylaý engizý týraly sheshim qabyldandy, dep habarlaidy Dalanews.kz.
Endi qor tek meditsinalyq qyzmetterge aqy tólep qoimai, qarjynyń josparlanýynan bastap naqty jumsalýyna deiingi barlyq protsesti baqylaýǵa alady.
Negizgi nazar qarjy aǵyndarynyń ashyqtyǵyna aýdarylady. Qazirgi tańda júiede jyl saiyn shamamen 3,4 trln teńge ainalady. Alaida onyń bir bóligi jalǵan esepter, qaitalanatyn qyzmetter jáne tiimsiz shyǵyndar arqyly «joǵalyp» otyr.
Osy máseleni sheshý úshin tsifrlyq antifrod júiesi engiziledi. Bul júie artyq jazylǵan qyzmetterdi, negizsiz gospitalizatsiialardy jáne kúmándi operatsiialardy avtomatty túrde anyqtaidy.
Sonymen qatar, dári-dármek satyp alý protsesin tsifrlyq teńge arqyly júrgizý josparlanýda. Bul árbir qarjylyq operatsiianyń tolyq qadaǵalanýyna múmkindik beredi.
Budan bólek, Qalqan atty jańa tsifrlyq platforma iske qosylady. Ol arqyly naqty bir naýqastyń em alý barysynan bastap, meditsinalyq uiymdardyń shyǵyndaryna deiingi barlyq aqparat qoljetimdi bolady.
Patsientter úshin de baqylaý kúsheitiledi. Dáriger qabyldaýynda QR-kod arqyly kórsetilgen qyzmetke birden shaǵym qaldyrý múmkindigi paida bolady.
Jańa talaptarǵa sáikes, barlyq meditsinalyq uiymdar 15 sáýirge deiin jańartylǵan júiege tolyq kóshýi tiis.
