قازاقستاندا مٸندەتتٸ ەلەۋمەتتٸك مەديتسينالىق ساقتاندىرۋ (مەمس) جٷيەسٸن قايتا جاڭعىرتۋ جوسپارلانىپ وتىر. ٷكٸمەتتە پرەمەر-مينيستردٸڭ تٶراعالىعىمەن ٶتكەن كەڭەستە قور جۇمىسىنىڭ جاڭا تەتٸكتەرٸ قارالىپ, قارجى اينالىمىنا تولىق باقىلاۋ ەنگٸزۋ تۋرالى شەشٸم قابىلداندى, دەپ حابارلايدى Dalanews.kz.
ەندٸ قور تەك مەديتسينالىق قىزمەتتەرگە اقى تٶلەپ قويماي, قارجىنىڭ جوسپارلانۋىنان باستاپ ناقتى جۇمسالۋىنا دەيٸنگٸ بارلىق پروتسەستٸ باقىلاۋعا الادى.
نەگٸزگٸ نازار قارجى اعىندارىنىڭ اشىقتىعىنا اۋدارىلادى. قازٸرگٸ تاڭدا جٷيەدە جىل سايىن شامامەن 3,4 ترلن تەڭگە اينالادى. الايدا ونىڭ بٸر بٶلٸگٸ جالعان ەسەپتەر, قايتالاناتىن قىزمەتتەر جەنە تيٸمسٸز شىعىندار ارقىلى «جوعالىپ» وتىر.
وسى مەسەلەنٸ شەشۋ ٷشٸن تسيفرلىق انتيفرود جٷيەسٸ ەنگٸزٸلەدٸ. بۇل جٷيە ارتىق جازىلعان قىزمەتتەردٸ, نەگٸزسٸز گوسپيتاليزاتسييالاردى جەنە كٷمەندٸ وپەراتسييالاردى اۆتوماتتى تٷردە انىقتايدى.
سونىمەن قاتار, دەرٸ-دەرمەك ساتىپ الۋ پروتسەسٸن تسيفرلىق تەڭگە ارقىلى جٷرگٸزۋ جوسپارلانۋدا. بۇل ەربٸر قارجىلىق وپەراتسييانىڭ تولىق قاداعالانۋىنا مٷمكٸندٸك بەرەدٸ.
بۇدان بٶلەك, Qalqan اتتى جاڭا تسيفرلىق پلاتفورما ٸسكە قوسىلادى. ول ارقىلى ناقتى بٸر ناۋقاستىڭ ەم الۋ بارىسىنان باستاپ, مەديتسينالىق ۇيىمداردىڭ شىعىندارىنا دەيٸنگٸ بارلىق اقپارات قولجەتٸمدٸ بولادى.
پاتسيەنتتەر ٷشٸن دە باقىلاۋ كٷشەيتٸلەدٸ. دەرٸگەر قابىلداۋىندا QR-كود ارقىلى كٶرسەتٸلگەن قىزمەتكە بٸردەن شاعىم قالدىرۋ مٷمكٸندٸگٸ پايدا بولادى.
جاڭا تالاپتارعا سەيكەس, بارلىق مەديتسينالىق ۇيىمدار 15 سەۋٸرگە دەيٸن جاڭارتىلعان جٷيەگە تولىق كٶشۋٸ تيٸس.
