Memleket basshysy ál-Farabi atyndaǵy Qazaq ulttyq ýniversitetine bardy, dep habarlaidy Dalanews.kz.
Prezident Qasym-Jomart Toqaev Almaty qalasyna jumys sapary aiasynda ál-Farabi atyndaǵy Qazaq ulttyq ýniversitetiniń ǵylymi áleýetimen tanysty.
QazUÝ rektory – basqarma tóraǵasy Janseiit Túimebaev Memleket basshysyna Innovatsiialyq ónimder ortalyǵynyń jáne Farabi Hub-tyń joǵary tehnologiialyq jobalaryn kórsetti.
Hab ekonomikanyń naqty sektoryna innovatsiialyq ázirlemeler engizýdi kózdeitin zamanaýi platforma retinde qurylǵan. Onyń bazasynda kreativti indýstriia, jasandy intellekt pen startap jobalary iske asyrylady. Osy arqyly 300 jańa jumys orny ashylyp, 20 million dollardan asa investitsiia tartyldy.
Ortalyqta ZTE, BASF, Binlin tehnologiialyq korporatsiialarynyń, sondai-aq basqa da sheteldik jetekshi ǵylymi uiymdardyń zertteý alańdary ornalasqan. Budan bólek, munda QazUÝ-diń ǵylymi-zertteý institýttary jumys isteidi.
Prezidentke ýniversitet jalpy quny 1 milliard 250 million teńgeni quraityn tórt iri jobany júzege asyryp jatqany jóninde málimet berildi.
Memleket basshysyna Qytaidyń Soltústik-batys politehnikalyq ýniversitetimen birlese ázirlengen mikrospýtnik maketi kórsetildi.
Joǵary oqý oryndarynyń ǵalymdary NKSAT spýtnigin jasap jatyr. Ol Jerdiń tartylys aýmaǵy men radiatsiia deńgeiin ólsheýge, geologiialyq barlaý jumystaryn júrgizýge arnalǵan.
Qasym-Jomart Toqaevqa «Qashyqtan zondtaý jáne ony qoldaný tehnologiiasy» zerthanasynyń qyzmeti tanystyryldy. Bul keshen QHR Ǵylym akademiiasymen birlese ashyldy. Zerthanada jasandy jer serikteriniń derekteri negizinde Ortalyq Aziiadaǵy klimat jáne ekologiia ózgeristeri zerdelenedi.
Memleket basshysy «Tsifrlyq tehnologiialar men robotty tehnika» halyqaralyq institýtyn jáne Robotty tehnika ortalyǵyn, sondai-aq Qazaqstan-Singapýr kvanttyq tehnologiialar ortalyǵyn aralap kórdi.
Qasym-Jomart Toqaevqa ýniversitet bazasynda ornalasqan sýperkompiýter klasteri kórsetildi. Ony qurýǵa 23 million dollar investitsiia tartylǵan.
Klaster kúrdeli esepteýlerdi oryndaý merzimin aitarlyqtai qysqartyp, ǵylymi zertteýlerdiń tiimdiligin arttyrady. Sondai-aq IT jáne jasandy intellekt salasynda mamandar daiarlaýǵa keńinen jol ashady.
