Almaty prokýratýrasy jer zańnamasynyń buzylýyn anyqtap, biýdjetten 800 mln teńgeden astam qarajattyń negizsiz jumsalýyna jol bermedi, dep habarlaidy Dala News.
Qadaǵalaý barysynda jergilikti atqarýshy organnyń 0,5006 gektar jer ýchaskesin májbúrlep ielikten shyǵarý týraly qaýlysy zań talaptaryna qaishy ekeni belgili boldy.
Prokýratýra málimetinshe, bul aýmaqta qala bas josparyna sáikes jalpy paidalanýdaǵy nysandar salý qarastyrylmaǵan. Soǵan qaramastan, ákimdik jerdi dál osyndai maqsatta alyp qoiý týraly sheshim qabyldaǵan.
Atalǵan jer teliminiń baǵalaý quny 800 mln teńgeden asady.
Prokýratýranyń narazylyǵyn qaraý nátijesinde ákimdiktiń zańsyz qaýlysynyń kúshi joiyldy.
Qabyldanǵan sharalar biýdjet qarajatynyń negizsiz jumsalýyna jol bermei, memleket qarjysyn saqtap qalýǵa múmkindik berdi.
