Aqpanda syra óndirisi 31,6 mln litrge deiin tómendedi. Bul qańtarmen salystyrǵanda 31%-ǵa, al ótken jyldyń osy kezeńimen salystyrǵanda 27%-ǵa az. Mundai kórsetkish sońǵy jyldardaǵy eń álsiz nátijelerdiń biri sanalady. Al 2024 jylǵy anomaldi qańtardy esepke almasaq, bul is júzinde sońǵy toǵyz jyldan astam ýaqyttaǵy eń tómen deńgei, dep habarlaidy Dalanews.kz Birinshi kredittik biýroǵa silteme jasap.
Negizgi quldyraý eldegi syranyń 95 paiyzdan astamyn óndiretin basty óńirlerge tiesili boldy. Eń kóp tómendeý Almatyda tirkeldi: óndiris kólemi 10,3 mln litrdi qurap, bir aida 38%-ǵa, bir jylda 42%-ǵa azaiǵan.
Bul tómendeýdiń naqty bir sebebi bar – retteý sharalary. 1 aqpannan bastap óndirýshilerge keg pen bótelkedegi syrany mindetti túrde tańbalaý talaby engizildi. Is júzinde bul óndiris jelilerin qaita jabdyqtaýdy, jańa IT júielerin engizýdi jáne qosymsha shyǵyndardy bildiredi. Biznes ókilderi buǵan deiin-aq irkilister men baǵanyń ósýi bolatynyn eskertken.
Baǵa da buǵan birden áser etti: bir aida 3,6%-ǵa, bir jylda 15,7%-ǵa ósti.
Arada eki apta ótken soń bilik bul sheshimdi ishinara keri qaitardy: bótelkedegi syrany mindetti tańbalaý merzimi 2026 jylǵy 1 qyrkúiekke shegerildi. Al tolyq qadaǵalaý júiesi tek 2027 jyldan bastap iske qosylady.
