اقپاندا سىرا ٶندٸرٸسٸ 31,6 ملن ليترگە دەيٸن تٶمەندەدٸ. بۇل قاڭتارمەن سالىستىرعاندا 31%-عا, ال ٶتكەن جىلدىڭ وسى كەزەڭٸمەن سالىستىرعاندا 27%-عا از. مۇنداي كٶرسەتكٸش سوڭعى جىلدارداعى ەڭ ەلسٸز نەتيجەلەردٸڭ بٸرٸ سانالادى. ال 2024 جىلعى انومالدٸ قاڭتاردى ەسەپكە الماساق, بۇل ٸس جٷزٸندە سوڭعى توعىز جىلدان استام ۋاقىتتاعى ەڭ تٶمەن دەڭگەي, دەپ حابارلايدى Dalanews.kz بٸرٸنشٸ كرەديتتٸك بيۋروعا سٸلتەمە جاساپ.
نەگٸزگٸ قۇلدىراۋ ەلدەگٸ سىرانىڭ 95 پايىزدان استامىن ٶندٸرەتٸن باستى ٶڭٸرلەرگە تيەسٸلٸ بولدى. ەڭ كٶپ تٶمەندەۋ الماتىدا تٸركەلدٸ: ٶندٸرٸس كٶلەمٸ 10,3 ملن ليتردٸ قۇراپ, بٸر ايدا 38%-عا, بٸر جىلدا 42%-عا ازايعان.
بۇل تٶمەندەۋدٸڭ ناقتى بٸر سەبەبٸ بار – رەتتەۋ شارالارى. 1 اقپاننان باستاپ ٶندٸرۋشٸلەرگە كەگ پەن بٶتەلكەدەگٸ سىرانى مٸندەتتٸ تٷردە تاڭبالاۋ تالابى ەنگٸزٸلدٸ. ٸس جٷزٸندە بۇل ٶندٸرٸس جەلٸلەرٸن قايتا جابدىقتاۋدى, جاڭا IT جٷيەلەرٸن ەنگٸزۋدٸ جەنە قوسىمشا شىعىنداردى بٸلدٸرەدٸ. بيزنەس ٶكٸلدەرٸ بۇعان دەيٸن-اق ٸركٸلٸستەر مەن باعانىڭ ٶسۋٸ بولاتىنىن ەسكەرتكەن.
باعا دا بۇعان بٸردەن ەسەر ەتتٸ: بٸر ايدا 3,6%-عا, بٸر جىلدا 15,7%-عا ٶستٸ.
ارادا ەكٸ اپتا ٶتكەن سوڭ بيلٸك بۇل شەشٸمدٸ ٸشٸنارا كەرٸ قايتاردى: بٶتەلكەدەگٸ سىرانى مٸندەتتٸ تاڭبالاۋ مەرزٸمٸ 2026 جىلعى 1 قىركٷيەككە شەگەرٸلدٸ. ال تولىق قاداعالاۋ جٷيەسٸ تەك 2027 جىلدان باستاپ ٸسكە قوسىلادى.
