Depýtat Ashat Aimaǵambetov mindetti meditsinalyq tekserýden ótýge ketetin ýaqytty jumys ýaqytyna engizý máselesin kóterdi, dep habarlaidy Dalanews.kz.
Onyń aitýynsha, shahterler, júrgizýshiler jáne óndiris jumysshylary sekildi qyzmetkerler kún saiyn aýysym aldynda mindetti tekserýden ótedi. Alaida bul úderis kei jerde birneshe minýtqa ǵana sozylsa, endi bir kásiporyndarda adamdar 50–60 minýtqa deiin kezekte turýǵa májbúr.
"Kóp jaǵdaida bul ýaqyt jumys ýaqytyna kirmeidi jáne tólenbeidi. Sebebi zańdaǵy talap naqty aiqyndalmaǵan. Iaǵni adam jumysqa erterek kelip, mindetti tekserýden ótedi, biraq bul ýaqyt barlyq jerde birdei esepke alynbaidy", – dedi Aimaǵambetov.
Depýtat halyqaralyq tájiribede mundai tekserýlerge ketken ýaqyt jumys ýaqyty retinde eseptelip, mindetti túrde tólenetinin atap ótti.
"Sondyqtan biz osy olqylyqty joiý úshin naqty túzetýler daiyndadyq. Esepteý tártibi de, tóleý máselesi de zań deńgeiinde aiqyndalyp, ujymdyq kelisimde rettelýi tiis. Bul – qarapaiym eńbek adamynyń ýaqyty men eńbegine degen qurmet", – dedi ol.
