Semeı qalasynyń 27 jastaǵy turǵyny polısıaǵa shyndyqqa janaspaıtyn habarlama joldaǵany úshin jaýapkershilikke tartyldy, dep habarlaıdy Dalanews.kz.

Polısıa departamentiniń málimetinshe, 17 naýryz kúni keshki saǵat 20:00 shamasynda call-ortalyqqa Gastello kóshesinde ornalasqan óndiristik sehty sý basty degen habar túsken. Habarlamaǵa sáıkes, oqıǵa ornyna jedel qyzmetter dereý jiberilgen.

Alaıda tekserý barysynda atalǵan mekenjaıda eshqandaı tótenshe jaǵdaı bolmaǵany anyqtaldy. Sý basý faktisi tirkelmegen.

Keıin belgili bolǵandaı, habarlama avtory óz sózin dáleldeý úshin joldaǵan fotosýretterdi jasandy ıntellekt arqyly jasap, shynaıy jaǵdaı retinde kórsetken. Iaǵnı usynylǵan materıaldar shyndyqqa sáıkes kelmegen.

Júrgizilgen tekserý nátıjesinde azamattyń jeke basy anyqtalyp, onyń jalǵan aqparat taratqany dáleldendi. Qazirgi tańda ol zań talaptaryna sáıkes ákimshilik jaýapkershilikke tartyldy.