سەمەي قالاسىنىڭ 27 جاستاعى تۇرعىنى پوليسياعا شىندىققا جاناسپايتىن حابارلاما جولداعانى ءۇشىن جاۋاپكەرشىلىككە تارتىلدى، دەپ حابارلايدى Dalanews.kz.
پوليسيا دەپارتامەنتىنىڭ مالىمەتىنشە، 17 ناۋرىز كۇنى كەشكى ساعات 20:00 شاماسىندا call-ورتالىققا گاستەللو كوشەسىندە ورنالاسقان وندىرىستىك سەحتى سۋ باستى دەگەن حابار تۇسكەن. حابارلاماعا سايكەس، وقيعا ورنىنا جەدەل قىزمەتتەر دەرەۋ جىبەرىلگەن.
الايدا تەكسەرۋ بارىسىندا اتالعان مەكەنجايدا ەشقانداي توتەنشە جاعداي بولماعانى انىقتالدى. سۋ باسۋ فاكتىسى تىركەلمەگەن.
كەيىن بەلگىلى بولعانداي، حابارلاما اۆتورى ءوز ءسوزىن دالەلدەۋ ءۇشىن جولداعان فوتوسۋرەتتەردى جاساندى ينتەللەكت ارقىلى جاساپ، شىنايى جاعداي رەتىندە كورسەتكەن. ياعني ۇسىنىلعان ماتەريالدار شىندىققا سايكەس كەلمەگەن.
جۇرگىزىلگەن تەكسەرۋ ناتيجەسىندە ازاماتتىڭ جەكە باسى انىقتالىپ، ونىڭ جالعان اقپارات تاراتقانى دالەلدەندى. قازىرگى تاڭدا ول زاڭ تالاپتارىنا سايكەس اكىمشىلىك جاۋاپكەرشىلىككە تارتىلدى.
