Prokýratýra tekserisi barysynda ákimdik qyzmetkerleri arasynda tyiym salynǵanyna qaramastan sportqa bás tikkender anyqtaldy, dep habarlaidy Dalanews.kz.
Tekserý nátijesi keibir sheneýnikterdiń býkmekerlik keńselerde belsendi esepshottary bolǵanyn kórsetti. Al zań boiynsha memlekettik qyzmetshilerge qumar oiyndarǵa qatysýǵa tyiym salynǵan.
Zań buzýshylyqtar tek qatardaǵy qyzmetkerler arasynda ǵana emes, basshylyq býyn ókilderi arasynda da anyqtalǵan.
"Turǵyn úi-kommýnaldyq sharýashylyǵy, jolaýshylar kóligi jáne avtomobil joldary bólimi sektor meńgerýshisiniń jeke shoty boiynsha ainalym 6,8 mln teńgeni qurady. Osyndai zań buzýshylyqtar aýyldyq okrýg ákimi, turǵyn úi inspektsiiasy bólimi basshysynyń orynbasary jáne qala ákimdiginiń qurylymdyq bólimsheleriniń jeti qyzmetkeri tarapynan da anyqtaldy", – dep habarlady Bas prokýratýra.
Materialdar Pavlodar oblysy boiynsha Memlekettik qyzmet isteri departamentiniń ádep jónindegi keńesine joldandy.
Budan bólek, baqylaýdy tiisti deńgeide qamtamasyz etpegeni úshin qala ákimi apparatynyń basshysy tártiptik jaýapkershilikke tartyldy.
Eske salsaq, 2025 jyldyń jazynda Oral qalasy ákimdiginiń qyzmetkerleri men politseileri kazinoda milliondaǵan qarjy utylǵany belgili bolǵan edi.
