Qazaqstanda salyqtyq ákimshilendirý tásilderi qaita qaralyp jatyr, dep habarlaidy Dala News.
Bul týraly Memlekettik kirister komiteti tóraǵasynyń orynbasary Seiljan Ahmetov málimdedi.
«2026 jylǵy 1 qańtarǵa deiin jiberilgen jekelegen buzýshylyqtar úshin ákimshilik jaýapkershilik sharalary qoldanylmaidy. Oǵan QQS boiynsha esepke qoiý týraly ótinishti ýaqytynda bermeý jáne esepke qoiylmaǵan kezeńde ainalym jasaý faktileri kiredi», – dedi Seiljan Ahmetov.
Sonymen qatar keibir mámileler boiynsha sotqa talap qoiý toqtatylǵan.
«Sondai-aq 2026 jylǵy 1 qańtarǵa deiin mikro jáne shaǵyn biznes sýbektileri arasynda jasalǵan mámileler men tirkeýlerdi jaramsyz dep taný týraly talap-aryzdardy berý toqtatyldy. Quqyq qorǵaý organdary bastamashy bolǵan jaǵdailar buǵan kirmeidi», – dedi spiker.
Budan bólek, aiyppuldar men ósimpuldardy esepten shyǵarý qarastyrylǵan.
«Negizgi salyq qaryzy tolyq ótelgen jaǵdaida aiyppuldar men ósimpuldardy esepten shyǵarý kózdelgen», – dedi Ahmetov.
Onyń aitýynsha, bul ózgerister bizneske qolaily jaǵdai jasaýǵa baǵyttalǵan.
«Jalpy barlyq ózgerister salyq júiesin biznes úshin túsinikti ári yńǵaily etýge baǵyttalǵan. Ol úsh negizgi qaǵidatqa negizdeledi: tsifrlandyrý, táýekelge negizdelgen tásil jáne servistik model», – dedi spiker STsK-de ótken baspasóz konferentsiiasynda.
