QR Bilim jáne ǵylym ministrligi «Tulǵataný» qoǵamdyq jobasy uiymdastyryp otyrǵan sharada metsenattyń ómiri jáne qyzmeti jáne jetistikke jetý joldary týraly «Ómir ózen» derekti filminiń tusaýy kesildi. Sondai-aq, filantrop, «Qurmet» ordeniniń iegeri Oralbek Botbai oqý ornynyń úzdik stýdentterine shákiraqy taǵaiyndap, jastardyń bilim alýǵa degen qulshynysyn arttyrdy. Osy shara aiasynda shákirtaqyǵa ie bolǵan úzdik stýdentterdi marapattaý rásimi ótti.
Aimaqtyq menedjment akademiiasynyń professory, «Turan» kolledji qamqorshylar keńesiniń múshesi, bilim salasyn damytý jónindegi sarapshysy, «Qurmet» ordeniniń iegeri Oralbek Botbaidyń mundai jurtshylyqqa janashyrlyq tanytyp otyrǵan sharalary elimizde birinshi ret uiymdastyrylyp otyrǵan joq. Ol buǵan deiin de talai elimizdiń mádeniet jáne bilim salasyn damytýǵa aitarlyqtai úlesin qosyp keledi.
Buqaralyq aqparat quraldarynda onyń Táýelsiz Qazaqstannyń gýmanitarlyq ǵylymdar salasyna qoldaý tanytyp, biznes pen ákimshilik basqarý salasyndaǵy jetistikteri jii jazylǵan.
Osy rette oǵan mádeniet jáne bilim salasyn damytýǵa qosqan úlesi úshin jáne Táýelsiz Qazaqstannyń gýmanitarlyq ǵylymdar salasyna qoldaý tanytyp, ákimshilik basqarý salasyndaǵy eńbegi eskerilip, Aimaqtyq Menedjment Akademiiasynyń qaýymdastyrylǵan professory ataǵy berilip, «Professor» tósbelgisi tabys etilgen.
Kórgen men túigeni mol kásipker «Nurly nóser», «Keleshekke jetelegen jeti sapar», «Nysap saiyn bereke» atty birshama kitaptardyń avtory.
Táýelsiz Qazaqstannyń damýyna erekshe úles qosyp kele jatqan Oralbek Qojamjarulynyń eńbegi eskerýsiz qalǵan joq. 2007 jyly belgili kásipker, metsenat QR Prezidentiniń Jarlyǵymen «Qurmet» ordenine ie boldy. Bul – óz salasynda joǵary bilikti, kásibi sheberlik tanytqan, jemisti eńbek etip júrgen azamattarǵa beriletin marapat. Sondai-aq ol «Astananyń – 10 jyldyǵy», «Qazaqstan Respýblikasynyń Táýelsizdigine 20 jyl», «Qazaqstan Respýblikasynyń Táýelsizdigine 25 jyl» medaldarymen, QR Premer-Ministriniń «Qurmet Gramotasymen» marapattalǵan.
Oralbek Botbaidyń akademiialyq jetistikteri, qoǵamdyq belsendiligi men halyqqa jasaǵan kómegi, qaiyrymdylyq sharalary da atan túiege júk bolarlyqtai salmaqty. «Aýyl jyly» baǵdarlamasy aiasynda ol Borlysai, Aqtas, Keńsai mektepterin qajetti qural-jabdyqpen, kompiýtermen qamtamasyz etti. «Mádeni mura» baǵdarlamasyna orai, Qoshqar Ata kesenesin turǵyzyp, 300 adamǵa Qojamjar ata – Pernekúl apa meshitin salyp berdi. Mańǵystaý, Semei, Shymkent, Astana óńirlerinde Respýblikalyq aqyndar aitysyn ótkizip, ony Stambýl (Túrkiia), Úrimshide (Qytai) jalǵastyrdy. Shymkent qalasynda A.Asqarov atyndaǵy at báigesine bas júlde temir tulparǵa demeýshilik jasap, sol jyly Saryǵash aýdanynda bolǵan kóktemgi sý tasqynyna Báidibek aýdanynyń atynan 10 mln.teńge aýdardy. Astana qalasynda ótken EKSPO-2017 Halyqaralyq kórmesine OQO, Báidibek aýdanynyń 40 oqýshysynyń kórme jumysyn tamashalaýyna tolyqtai qarjylyq kómek kórsetti. Atalǵan aýdan ardagerlerin Astana qalasyna ákelip, túrli mádeni sharalarǵa demeýshilik jasady.
«Turan» kolledji men L.N.Gýmilev atyndaǵy EUÝ jáne T.Júrgenov atyndaǵy Óner akademiiasynyń 15 stýdentine óz atynan stipendiia taǵaiyndap, oqý aqylaryn tólep berdi.
Bul kásipkerdiń elge jasaǵan qaiyrymdylyq sharalarynyń bir parasy ǵana. Áitpese, aita bersek, onyń halyqqa jasaǵan kómegi, Táýelsiz Qazaqstannyń damýyna qosqan úlesi tym kóp. Onyń bárin maqalada aitý múmkin emes Sondyqtan osy jerden toqtaǵandy jón sanadyq. Bir qýanarlyǵy, munyń barlyǵyn kásipker jarnama úshin nemese basqa da maqsat úshin jasamaidy. Óziniń paryzy dep túsinedi. Sondyqtan onyń jasaǵan igi isteri basqa da kásipkerlerge úlgi bolsa eken dep tileimiz.
