Talǵarǵa 24,2 mlrd teńge investitsiia tartylǵan
Kezekti sessiia barysynda Talǵar aýdanynyń ákimi Satbaev Ryskeldi Ahmetqaliuly ózine júktelgen fýnktsiialar men mindetterdiń oryndalýy jónindegi aýdandyq máslihat depýtattary aldyndaǵy esep berdi. Sonymen qatar Talǵar aýdandyq veterinariia bóliminiń aýdan boiynsha aýyl sharýashylyǵy maldary aýrýlarynyń aldyn alý jáne emdeý jónindegi jumystardyń esebi tyńdaldy.
Óz kezeginde aýdan ákimi Ryskeldi Satbaev aǵymdaǵy jyldyń alty ai ishinde atqarylǵan jumystar jaiynda tushymdy esep berdi. Óz sózin biýdjettiń oryndalýynan bastaǵan aýdan basshysy biýdjet qorjynyna 24,9 mlrd teńge salyqtyq túsimder jinalyp, jospar 101,5 paiyzǵa oryndalǵanyn jetkizdi. Onyń ishinde respýblikalyq biýdjetke – 20,0 mlrd teńge (jospar 100,3 paiyz), jergilikti biýdjetke 4,9 mlrd teńge túsimder jinalǵanyn (jospar 106,5 paiyz), jalpy aýdandyq biýdjettiń túsimderi 2,0 mlrd teńgeni qurap, jospar 104,5 paiyzǵa oryndalǵanyn aitty.
Shyǵyndar kólemi 13,0 mlrd teńgeni qurap, 100 paiyzǵa oryndalǵan. Osydan soń ár salaǵa jeke-jeke toqtalyp, atqarylǵan jumystarmen qatar alǵa qoiǵan keleli mindetterdi de qamtyp ótti. Aýyl sharýashylyǵy, ónerkásip, shaǵyn jáne orta kásipkerlik, qurylys, investitsiia, infraqurylym, áleýmettik sala, onyń ishinde bilim, densaýlyq, jumyspen qamtý, kópbalaly, turmysy tómen otbasylaryna áleýmettik kómek kórsetý, quqyq qorǵaý, sport salalary da tolyqtai qamtyldy.
Aita ketý kerek, búgingi tańda kópbalaly otbasylarynyń áleýmettik jaǵdaiyn jaqsartý úkimettiń aldynda turǵan keleli máseleniń biri. Bul baǵytta qandai jumystar atqarylyp jatqany da jan-jaqty sóz boldy.
– Aýdanda 3551 kópbalaly otbasylar bar. Barlyq aýyldyq okrýgterde mártebesin anyqtaý úshin «E-Halyq» baǵdarlama ornatylǵan. Kópbalaly otbasylarǵa áleýmettik kómek kórsetý úshin biýdjetten 642 mln teńge qosymsha bólingen. Búgingi kúni 2862 kópbalaly otbasylarǵa 470 mln teńgege memlekettik áleýmettik kómek tólengen. Altyn qursaq analarymyzdyń qoǵamdyq jolaýshylar kóliginde tegin jol júrýine 91,8 mln teńge qarastyryldy. 2019 jyldyń 6 mamyrynan bastap 2733 kópbalaly analar barlyq aýylaralyq, qalaaralyq kólikterde tegin júrgizilýde, – dedi aýdan ákimi.
Búgingi tańda qarapaiym halyqtyń muqtajyna ainalǵan baspana máselesi de ótkir turǵany anyq. Osyǵan orai ákim esebindegi kórinis tapqan qurylys, investitsiia salalary boiynsha keltirilgen málimetter de kóńil kónshitedi.
– Aýdan ekonomikasyn damytýǵa 24,2 mlrd teńge investitsiia tartylǵan. Qurylys jumystarynyń kólemi 6,5 mlrd teńgege jetkizilip, naqty indeks kólemi 160,1 paiyzdy qurap otyr. 81,3 myń sharshy metr turǵyn úi salynyp, paidalanýǵa berildi (ótken jylmen salystyrǵanda 1,5 esege kóp). Talǵar qalasynda «Nurly Jer» baǵdarlamasymen 60 páterli 5,4 myń sh.m. quraityn nesielik turǵyn-úi qurylysy aiaqtaldy.Talǵar qalasynda 1,7 mlrd teńgege 6 kóppáterli turǵyn úilerdiń qurylys jumystary júrgizilýde. Qurylys jumystaryn aiaqtaý 2020 jylǵa josparlanǵan, – dedi aýdan ákimi óz baiandaýynda.
Al aýdandyq máslihattyń depýtaty Sultan Nurdáýletov aýdan ákiminiń esebine qanaǵattanatynyn bildire kele, «Talǵar – Almaty» kúre jolyn keńeitý máselesine jiti kóńil bólýin, sonymen qatar Qyzyl Tý, Tóńkeris aýyldary men Qainar, Nura aýyldyq okrýgteri aýmaǵyn gazdandyrý jumystarynyń turalap qalǵanyn aityp, bul máseleni de nazarǵa alýyn surady.
Kún tártibindegi ekinshi másele – aýdan boiynsha aýyl sharýashylyǵy maldary aýrýlarynyń aldyn alý jáne emdeý jónindegi jumystary boiynsha aýdandyq veterinariia bóliminiń basshysy Rashid Smailovtyń esebi tyńdaldy. Búgingi kúnge aýdan aýmaǵynda eshqandai asa qaýipti juqpaly aýrýlar tirkelmegenin alǵa tartqan bólim basshysy 6 ai ishinde atqarylǵan jumystardy jipke tizgendei tarqatyp berdi.
Diagnostikalyq jumystar jáne veterinarlyq- profilaktikalyq is-sharalar aldyn ala bekitilgen josparǵa sai júrgizilip jatqanyn, jergilikti atqarýshy organnyń bas mamandary veterinarlyq stansasynyń veterinariia dárigerlerimen birlese otyryp, aýdan aýmaǵynda diagnostikalyq, allergiialyq tekserýlerdiń, epizootiialyq ahýaldy turaqtandyrý jumystarynyń júzege asyrylyp jatqanyn tilge tiek etti.
Qańǵybas, iesiz itterdi aýlaý máselesine qatysty is-sharalar týraly da tolyq maǵlumat berdi. Veterinariia bóliminiń esebi nazarǵa alyndy.
Aýdandyq jumyspen qamtý jáne áleýmettik baǵdarlamalar bóliminiń atqarǵan jumystary boiynsha esep berý úshin minberge kóterilgen aýdandyq jumyspen qamtý jáne áleýmettik baǵdarlamalar bóliminiń basshysy Jáden Baisbaev aǵymdaǵy jyldyń 1-jarty jyldyǵynda júzege asyrylǵan áleýmettik máselelerdi júielei jetkizdi. Jańa formattaǵy memlekettik ataýly áleýmettik kómek, turǵyn úi kómegi, birjolǵy materialdyq kómek, UOS ardagerlerine kommýnaldyq qyzmetterine bólinetin áleýmettik kómek, múmkindigi shekteýli azamattardyń quqyqtaryn qamtamasyz etý jáne ómir súrý sapasyn jaqsartý maqsatyndaǵy atqarylǵan jumystardy egjei-tegjeili, naqty tsifrlar men dáiekti derekter keltire baiandady.
