Tájikstanda jahandyq PISA zertteýine qazaqstandyq Ortalyqpen birge daiyndalýda.
Dýshanbede «Bolashaq pedagogikasy: zamanaýi mektepterge arnalǵan sheshimder» seminary támamdaldy. Tájikstandyq bilim berýdiń top-menedjerlerine alǵash ret bedeldi halyqaralyq sertifikattar tabys etildi, bul de-iýre jáne de-fakto olardyń kásibi damýynyń jańa standarttaryn rastady.
Eýropalyq Odaq pen «Nazarbaev Ziiatkerlik mektepteri» DBBU Pedagogikalyq sheberlik ortalyǵynyń tabysty yntymaqtastyǵy aiasynda Tájikstanda ulttyq bilim berý júiesin ilgeriletý boiynsha aýqymdy joba bastaldy. Pedagogterdiń biliktiligin arttyrýdy túbegeili jańǵyrtý respýblika 2025 jyly alǵash ret qatysýdy josparlap otyrǵan jahandyq PISA zertteýine daiyndyq aiasynda júrip jatyr. Sondyqtan Pedagogikalyq sheberlik ortalyǵy partasyna Bilim jáne ǵylym ministrliginiń ókilderi, sondai-aq Soǵdy, Hatlon jáne Taýly Badahshan ýálaiattary bilim berý qurylymdarynyń basshylary otyrdy.
– Ómir – dogma emes, ómir – alǵa degen umtylys. Biz baýyrlas Qazaqstandaǵy áriptesterimizden bilim alatynymyzǵa qýanyshtymyz», – dep bólisti Tájikstan Bilim jáne ǵylym ministrligi janyndaǵy respýblikalyq oqý- ádistemelik ortalyǵy direktorynyń keńesshisi Hamza Novrýzov.
Pedagogikalyq sheberlik ortalyǵynyń direktory Janbota Kabdykarimova, sarapshysy Sapýra Joldasbaeva, treneri Iýliia Melnikova jahandyq ózgeristerdi (SPOD, VUCA, BANI) jáne sáikesinshe, mekteptegi bilim berýdegi jahandyq úrdisterdi taldady. Kóshbasshylyq pen ózgeristerdi basqarý, strategiialyq josparlaý, jasandy intellekt jáne pedagogikalyq tájiribedegi zertteýler, fýnktsionaldyq saýattylyq – árbir taqyryp bilim berý sheshimderine arnaldy.
– Bizdiń jobanyń eń birinshi jetistigi tájik áriptesteriniń kásibi ósýdegi zor motivatsiiasy dep ataýǵa bolady. Olar kelesi jyly PISA-ǵa qatysýdy eldik jáne jeke emtihan retinde qabyldaidy», – dep atap ótti Pedagogikalyq sheberlik ortalyǵynyń direktory Janbota Kabdykarimova.
Tájikstannyń Bilim akademiiasynyń qyzmetkeri Naimjon Abdýrashitov óziniń alǵashqy halyqaralyq sertifikatyn maqtan tutady:
– Biz qazir bilim berýdegi reformalar satysynda turmyz, sondyqtan bizdi qazaqstandyq tájiribe, ásirese oqytýdaǵy zertteý ádistemesi, muǵalim men oqýshynyń yntymaqtastyǵy, bilim berýdiń ózindik sheshimderin júzege asyrýy qyzyqtyrady. Yntymaqtastyǵymyz sózsiz jalǵasady dep senemiz.
Eýropalyq Odaqtyń Orta bilim berý baǵdarlamasynyń negizgi halyqaralyq sarapshysy Aigúl Qazjanova tájik muǵalimderiniń álemdik trendter jáne jalpy kásiptik oqytý boiynsha jańa bilimge degen naqty suranysyn atap ótti.
– Biz Pedagogikalyq sheberlik ortalyǵymen úsh jyl buryn Túrkimenstan Respýblikasynyń ulttyq bilim berý júiesin ilgeriletý boiynsha jobada tabysty jumys istedik», – dep atap ótti Eýropalyq Odaq baǵdarlamasynyń jetekshisi Shtefan Zivert.
Naýryzdyń basynda Qazaqstannyń bilim salasyndaǵy jetistikterin zertteý úshin Dýshanbeden Astanaǵa úlken delegatsiia keledi. Sondai-aq Tájikstannyń Bilim jáne ǵylym ministrligi men Pedagogikalyq sheberlik ortalyǵy arasynda muǵalimderdiń biliktiligin arttyrý boiynsha halyqaralyq jobany jalǵastyrý týraly memorandýmǵa qol qoiý josparlanýda.
Pedagogikalyq sheberlik ortalyǵy búkil elge jáne álemge qazaqstandyq ziiatkerlik tehnologiialardy jahandyq bilim berýge júieli túrde taratýmen jáne WALS ambassadory retinde tanymal. Tek 2024 jyldyń basynan bastap PShO muǵalimderdiń ǵylymi-zertteý qyzmetin damytý boiynsha Lesson Study jáne Action Research ádisterin Qyrǵyzstandaǵy «Sapat» bilim berý kesheni men «Aqylman» prezidenttik litseiine engize bastady, alǵash ret Malavidegi Nalikýle pedagogikalyq kolledjinen afrikalyq áriptesterdi onlain rejimde oqytýdy qolǵa aldy, sonymen qatar tájik muǵalimderin jahandyq PISA zertteýine daiyndaýdy bastady.
Mira Alipinova
