– Bizdi ári qaraiǵy is-áreketimiz – bul halyqtyń quqyǵy úshin sońyna deiin kúresý, – dep málimdedi Feisbýk paraqshasy arqyly júrgizgen tikelei efiri kezinde. Pashinian eldiń barlyq ákimderin qolyna qarý alýǵa daiyn erikti jasaǵyn qurýdy tapsyrdy.
Ázirbaijan prezidentiniń kómekshisi Hikmet Gadjiev Pashiniannyń bul sózderi janjaldy beibit jolmen sheshkisi kelmeitinin bildiretinin aitty.
Armeniia prezidenti Armen Sarkisian resmi saparmen Briýsselge baryp, NATO jáne Eýroodaq ókilderimen kezdesken. Al Ázirbaijan jáne Máskeý syrtqy ister ministrleri Máskeýge bardy. Olar onda jeke-jeke Resei syrtqy ister ministri Sergei Lavrovpen kezdesti.
Álem liderleri eki eldi soǵysty toqtatýǵa shaqyrýde. Biraq Baký men Erevan 21 qazanda soqqy berýdi jalǵastyratynyn habarlady.
Qyrkúiek aiynyń sońynan beri ózin ózi jariialaǵan Taýly Qarabaqta 800 sarbaz qaitys bolǵan. Ázirbaijan ázirge ásker shyǵynyn jariialamai otyr.
Conflict Intelligence Team zertteý toby Ázirbaijan jaqta siriialyq jaldanbaly adamdar soǵysyp jatqanyn habarlady. Baký men Ankara muny teriske shyǵaryp keledi.
Armeniia men Ázerbaijan arasyndaǵy Taýly Qarabaq daýy Sovet Odaǵy kezinen jalǵasyp keledi. 1988 jyly bastalyp, 1994 jyly aiaqtalǵan soǵys kezinde 30 myńǵa jýyq adam qaza tapty, júzdegen myń adam bosqynǵa ainaldy. Negizinen armiandar turatyn aimaq 1991 jyly Ázerbaijannan bólinip shyǵatynyn málimdedi, biraq álemniń eshqandai eli ony moiyndamady. Halyqaralyq quqyqqa sáikes, Taýly Qarabaq – Ázerbaijan jeri.
