Ol bul málimdemesin keden qyzmeti tóraǵasynyń orynbasary bolǵan Raıymbek Matraımovtyń korrýpsıa kúdigimen ustalǵannan bir kúnnen keıin jarıalady. Matraımov eshqaıda ketpeý týraly qolhatpen bosatylǵan.
Japarovtyń jarıalaǵan raqymshylyǵyna energetıka, keden, salyq, dári-dármekpen qamtamasyz etý jáne lısenzıa berý salasynda jumys istep, zańsyz jolmen aqsha tapqan burynǵy sheneýnikter ilinedi.
Ol úshin burynǵy sheneýnikter 30 kún ishinde korrýpsıalyq shemasyn ashyq kórsetip, aqshany memleketke qaıtarýy tıis. Ol amnıstıa arqyly túsken aqshamen búdjetti toltyryp, memlekettik qaryzdardy qaıtaratynyn aıtty.
