Shýda shaǵyn makaron tsehy
Mine, osyndai talaptarǵa jergilikti jerlerdegi ónim óndirýshilerdiń qolynan shyqqan taýardyń tolyqtai sai keletini aitpasa da belgili. Sondyqtan bolsa kerek, keiingi jyldary elimizdiń aýylsharýashylyq óndirisi baiyrǵy shikizat shylaýynan ónimdi túbegeili óńdeý men daiyn azyq-túlik ónimderin shyǵarý belesine bet bura bastady.Sózimizdiń aiǵaǵy retinde, byltyr ǵana Shý aýdanynda ashylǵan makaron ónimin shyǵaratyn tsehty aitýymyzǵa bolady. Tutynýshylaryna daiyn ónimdi usynatyn atalmysh tsehtyń qosymsha qurylymy retinde munda konditerlik ónimder de shyǵarylady. Bul kásiporynnyń ashylǵany eń áýeli shýlyqtarǵa tiimdi boldy. Óitkeni, jergilikti turǵyndarǵa turaqty jumys orny ashylsa, onymen qosa, óndirilgen ónimder de aýdannyń ortalyq bazaryna puldanady. Al, atalmysh tsehtyń direktory Esenbek Tájibekulynyń aitýynsha, qazirgi kezde tseh áli de bolsa tolyq qýatynda jumys istemei turǵan kórinedi.
– Jasyratyny joq, uzaq jyldar boiy dál osy makaron men konditerlik ónimderdi Almaty men Shymkent qalasyndaǵy jeke kásipkerlerden satyp alyp, Shý aýdanyna ótkizýmen ainalysyp keldik. Keiin jaqyndarymmen aqyldasa kele, makarondy nege ózimiz óndirip kórmeske degen oi keldi. Ras, áýel basta senimsizdik te boldy. Áitkenmen, táýekelge bel býyp, Shý qalasynan bir ǵimaratty jalǵa alyp, bastapqyoiymyzdy júzege asyrýǵa kirisip kettik. Tsehtyń ashylǵanyna kóp ýaqyt bolǵan joq. Sol sebepti, qazir ónimdi az mólsherde shyǵaryp jatyrmyz. Munda konditerlik ónimderdi jáne makaron men kespe ónimderin shyǵarýǵa arnalǵan birneshe qurylǵy bar. Onyń barlyǵyn Astana qalasynan satyp aldyq, - deidi jeke kásipker.
Shynyn aitý kerek, daiyn ónim qansha jerden sapaly bolsa da, bazardaǵy baǵa báribir jeńiske beiim keledi emes pe? Osyny eskergen kásiporyn basshylary atalǵan tsehtyń ónimderin naryqtaǵy baǵadan edáýir tómen baǵada satýda. Sonymen qatar, tsehtaǵy birqatar konditerlik ónimder «Jasmin» jáne «Sáýle» ataýymenbazar men dúken sórelerine jol tartýda. Oǵan qosa, makaron men «Aigerim» atty kespe de arnaiy qoraptarmen tutynýshylaryna turaqty jetkizilip júr. Eger de tutynýshylar makarondy ártúrli kelidegi túrlerin satyp alýdy qolaily kórse, mundai suranystar da tolyǵymen óteledi. Bul jaqtan shyǵarylatyn barlyq ónimniń atasy bir un emes pe desek te, atalǵan un túrleriniń árqaisysynyń tek ózine ǵana tán ereksheligi bar ekeni óz aldyna bir bólek áńgime. Mysaly, mundaǵy konditerlik ónimder birinshi sortty unnan daiyndalsa, makaron ekinshi suryptan ázirlenedi.
