Shýda qylmys sany qysqaryp keledi
Bul aýdandardaǵy 124 myńnan asa gektar jerdi alyp jatqan esirtki alqabynyń 85 myń gektary Merki, 24 400 gektary Shý, 12 500 gektary T.Rysqulov, 2 myń gektary Qordai jáne qalǵan 1000 gektary Moiynqum aýdanyna tiesili kórinedi. Aimaqtaǵy kóleńkeli kásippen kúresetin bul bólimde qazir 22 adam qyzmet etedi eken. Nashaqorlyq dertine shaldyqqandardyń arqasynda tirligin dóńgeletken qylmystyq toptar qaltalary ortaiyp qalmas úshin nashaqorlar sanynyń arta túsýine múddeli ekeni belgili. Al, olardyń aldyn alý boiynsha politsiia departamentiniń esirtki biznesine qarsy kúres basqarmasy, onyń ishinde joǵaryda aty atalǵan «Delta-dolina» aýdanaralyq esirtki biznesine qarsy kúres bólimi búgingi kúnge deiin birneshe is-sharany qolǵa alyp, júieli jumystar júrgizip keledi. Atalmysh bólimniń bergen málimetine súiener bolsaq, jyl basynan bergi úsh aidyń qorytyndysyna sáikes, Shý aýdany boiynsha dál osy baǵytta 10 qylmys tirkelgen. Onyń 4-i narkologiialyq quqyq buzýshylyq bolsa, esirtki saqtaý boiynsha 5 jáne esirtkini satý boiynsha 1 oqiǵa oryn alǵan. Jalpy, atalǵan zańsyz esirtki ainalymy boiynsha biyl 50 keliden asa túrli esirtki zattary tárkilenip otyr. Olardyń 47 kelisi marihýana bolsa, 754,53 gramy gashish. Dese de, ótken jylmen salystyrǵanda biylǵy kórsetkishterdiń edáýir azaiǵanyn baiqaýǵa bolady. Dálirek aitsaq, ótken jyldyń esepti kezeńinde 136 keliden asa esirtki zaty tárkilense, onyń 129 kelisi marihýana, 6 kelisi gashish bolǵan. Bul óz kezeginde quqyq qorǵaý qyzmetkerleriniń júieli jumysynyń jemisi bolsa kerek-ti. «Delta-dolina» aýdanaralyq esirtki biznesine qarsy kúres bóliminiń jedel ýákili Baýyrjan Kúnshashovtyń aitýynsha, kúni keshe esirtki zatyn zańsyz saqtaǵan aýdan turǵyny quryqtalypty.
– Jýyrda «Doping» jedel-profilaktikalyq is-sharasyn júrgizý barysynda aýdan aýmaǵynda R. esimdi azamatsha esirtki zatyn zańsyz saqtaǵany jóninde aqparat kelip tústi. Osyǵan bailanysty, jedel tergeý tobymen birlese tintý-tergeý amaldaryn júrgizip, nátijesinde atalmysh turǵynnyń úiinen 1 keli, 220 gramm marihýana jáne 350 gramm gashish tárkilendi. Aita ketý kerek, bul azamatsha buǵan deiin sotty bolmaǵan. Alaida, esirtki zatyn qoldanǵany úshin esepke alynǵan bolatyn. Qazirgi kezde sotqa deiingi tergeý amaldary júrgizilýde. Qylmysy dáleldengen jaǵdaida ol 3 jyl kóleminde bas bostandyǵynan aiyrylatyn bolady, - deidi Baýyrjan Bolatuly.
Al, «Delta-dolina» aýdanaralyq esirtki biznesine qarsy kúres bóliminiń jedel izdestirý bólimshesiniń bastyǵy, politsiia maiory Arman Baimuhanbetovtyń aitýyna qaraǵanda bes birdei aýdanǵa jaýapty bul bólimge 22 shtattyq birlik azdyq etedi eken. «Ústimizdegi jyldyń 26-shy aqpanynan 1-shi naýryzǵa deiin «KANAL-TsENTR» keń aýqymdy jedel izdestirý sharalary ótken bolatyn. Atalǵan shara aiasynda bizdiń bólim qyzmetkerleri 4 qylmyskerdi quryqtady. Sonymen qatar, aǵymdaǵy aidyń 11-15 kúnderi aralyǵynda «Doping» jedel-izdestirý sharalary júrgizilýde. Jalpy bólimde 22 adam jumys isteitin bolsa, onyń 15-i jedel ýákil jáne qalǵan 7-i kishi jedel ýákilder. Oǵan qosa, Merki men Qordai aýdanynda eki adamnan quralǵan jeke quram jumys isteidi. Materialdyq jaǵyna kelsek, qiyn joldarǵa arnalǵan birneshe tehnikamyz jáne qumdy aimaqtarǵa arnalǵan jyljymaly beketter de bar. Qalai desek te, oblys aýmaǵynyń basym bóligin alyp jatqan Moiynqum aýdanyndaǵy qumdy aimaqtar men Shý jáne Merki aýdandaryndaǵy qarasora alqabynyń kólemin eskerer bolsaq, mundaǵy 22 qyzmetkerdiń azdyq etetini belgili. Biraq, «Kóknár» jedel-profilaktikalyq jedel is-sharasy bastalǵanda «Búrkit» arnaiy jasaǵy kómekke keledi» - deidi Arman Qazaqbaiuly.
