Onyń aityp ótkenindei óńirlik kolledjderde bolashaqqa suranysqa ie bolatyn mamandar daiarlanýda. Máselen, biyl tehnikalyq mamandyqty tańdaǵan túlekterdiń sany basym bolǵan.
"Aimaqtaǵy suranysqa ie 100 mamandyqtyń 65-si tehnikalyq jáne kásiptik bilim berý salasynyń mamandary ekenin anyqtadyq.
Shyǵys túlekteriniń IT salasyna, 3D modeldeý jáne baǵdarlamalaý baǵytyna, injenerlik iske, sáýlet jáne jobalaý ónerine, grafikalyq dizain jumysyna qyzyǵýshylyǵy zor.
Qazirgi básekelestik dáýirinde jastardyń jańa tehnologiialardyń tilin meńgergeni mańyzdy. Osy sebepti de aimaǵymyzda tehnikalyq jáne kásiptik bilim berý baǵdarlamasyn damytýdyń josparyn qurdyq", – deidi Danial Ahmetov.
Aitýynsha biyl óńirdegi 14 kolledjdiń kabinetteri qaita jabdyqtalǵan. Keleshek jas mamandar bilim men tájiribeni ushtastyrý úshin óndiris oryndarymen tyǵyz qarym-qatynasta jumys istelýde.
"Semeidegi Elektrotehnikalyq kolledj ben Óskemendegi politehnikalyq kolledjdiń bazasynda IT-baǵyttaǵy ortalyqtar ashtyq. Búǵan biýdjetten 398 mln teńge qarajat bólindi. Jańa tehnologiiany jetik meńgergen jastardy árkezde qoldaýǵa ázirmiz", – dedi ShQO ákimi.
