Jastar jylyna orai uiymdastyrylǵan sharaǵa óńirdegi eldi-mekenderden 10 áskeri-patriottyq ujym qatysty. Barlyq qatysýshylar – óz aimaǵyndaǵy irikteý kezeńiniń úzdikteri.
Eki kúnge sozylǵan alamanda qatysýshylar sap túzeý daiyndyǵy, fizikalyq myqtylyǵyn synaý, qarý qurastyrý men bólshekteý, áskerilendirilgen kross siiaqty jarysqa qatysty.
Sondai-aq atalǵan shara sheńberinde IQazaqstan atty ziiatkerlik oiyny jáne robototehnikadan “Meniń robotym” saiysy uiymdastyryldy.
Jarystyń qorytyndysynda Semei qalasynan kelgen “Jas qyran” áskeri-patriottyq klýby top jardy.
Birinshi oryn Jarma aýdanynyń “Jas saqshy” komandasyna, ekinshi oryn Zaisan aýdanynyń “Aibyn” komandasyna buiyrdy.
Al júldeli úshinshi oryndy Óskemen qalasynyń “Jas búrkit”komandasy ielendi.
"Bul jiyn Jastar jyly dáripteý maqsatynda uiymdastyryldy. Maqsaty – salaýatty ómir saltyn nasihattaý. Jastarǵa áskeri-patriottyq tárbie berý. Mundai jarystardy kóptep ótkizgen jón. Osy jolǵy jarysqa óńirimizdegi úzdik komandalar qatysty", – dedi óz sózinde ShQO ishki saiasat basqarmasy basshysynyń orynbasary Rishat Ramazanov.
Aimaqtyń jarysta úzdik atanǵandar endigi jerde respýblikalyq deńgeidegi “Aibyn” oiyndaryna daiyndalady.
Baiqaýdyń el kólemindegi biylǵy jeńimpazy semeilik jastar ekenin aita ketelik.
