"Óńirdiń agroónerkásip kesheninde basty baǵdar mal sharýashylyǵy salasyna berilip otyr. Bul respýblıkadaǵy aýyl sharýashylyǵy kórsetkishiniń 62,3 paıyzyn quraıdy. Sonymen qatar bizdiń aımaq el kóleminde bal jáne kúnbaǵys maıyn óndirý boıynsha birinshi orynda, et óndirý boıynsha ekinshi oryndy ıelenip otyr.
Sońǵy jyldary ósimdik sharýashylyǵyn eksporttaýǵa basymdyq berýdemiz. Sonyń ishinde soıany eksportqa shyǵarý isin jolǵa qoıdyq", – deıdi Danıal Ahmetov.
Ekonomıser dereginshe Qytaıda soıanyń tonnasy 97 mln teńgege (60 mlrd AQSH dollary) baǵalanady eken.
Óz kezeginde Shyǵys Qazaqstan Qytaımen irgeles jatqandyqtan soıany eksporttaýǵa úlken múmkindik alyp otyr.
Budan syrt jyl saıyn Qytaıǵa 3 mln-ǵa jýyq júgeri tasymaldanady. Kórshiniń ishki naryǵyndaǵy suranysty óteý úshin óńirde keler jyldan bastap 10,2 myń gektar jerge júgeri egilmek.
- Soıa men júgeri kólemin arttyrý maqsatynda jospar qurdyq. Buǵan sáıkes 2024 jyly egis alqaby 4,2 esege artady. Sonyń nátıjesinde 6,5-ten 13 myń gektarǵa deıingi aýmaqqa ónim egiledi. Nemese 5,5-ten 30 myń tonnaǵa deıin, eksport kólemi 10 esege artady. Al ónim 1,5-ten 15 myń tonnaǵa deıin kóbeıedi. Jalpy alǵanda soıa men júgeri egý aımaǵymyz úshin ǵana emes, el úshin strategıalyq mańyzy bar, - dedi óz sózinde Danıal Ahmetov.
