Óńir basshysy shekteý jáne karantin sharalaryn engizý, bilim berý júiesine áser etkenin aitty. Óitkeni muǵalimder qysqa merzim ishinde jańa formatqa daǵdylanyp, qashyqtan oqytý ádistemelerine kóshýge májbúr boldy.
– Biz kompiýterleri joq balalardyń bilim berý baǵdarlamalarynan artta qalmaýy jáne UBT men emtihandardy sátti tapsyrýy úshin, al JOO túlekteri diplomdaryn oidaǵydai qorǵaýy úshin barlyq múmkindikti jasadyq.
Osylaisha, oblys mektepteri úshin 33 myńnan astam kompiýterlik tehnika satyp alyndy. Oqýshylardyń 90 paiyzdan astamy internet jelisine qosylyp, balalardyń 6 paiyzy roýtermen qamtamasyz etildi, – dedi Danial Ahmetov.
Aita keteiik, oblysta úsh aýysymdy mektepterdiń jumys isteý máselesi sheshilgen. Aǵymdaǵy jyly úsh jańa mektep ashyldy.
– Abai aýdanynyń Qaraýyl aýylynda 300 oryndyq, oblys ortalyǵyndaǵy Ahmer aýylynda 1000 oryndyq, Tarbaǵatai aýdanynyń Aqjar aýylynda 300 oryndyq internaty bar 600 oryndyq mektep ashyldy, – dep naqtylady aimaq basshysy.
Shyǵys Qazaqstan oblysynyń ákimi biyl alǵash ret bilim berý nysandaryn jóndeýge 11 mlrd. teńge bólingenin atap ótti. Bul ótken jylmen salystyrǵanda bes ese artyq.
Jańa oqý jylyna 394 bilim berý mekemesi, onyń ishinde 320 mektep, 5 kolledj, 49 balabaqsha, 20 qosymsha bilim berý nysany daiyndaldy. Bul rette atalǵan nysandardaǵy jumystardyń 70%-y «Jumyspen qamtýdyń jol kartasy» aiasynda júzege asyryldy.
