Oblys ortalyǵynan shamamen 400 shaqyrymdai qashyqtyqta Qytai Halyq Respýblikasymen shekaralas ornalasqan bes aýdannyń damý qarqyny baiaý.
Osy rette, ortalyq pen shalǵai aimaqtardyń arasyndaǵy jaǵdaidy teńestirý úshin barlyq damytý joldary men problemalar tereń pysyqtalyp, Kúrshim, Tarbaǵatai, Katonqaraǵai, Zaisan, Úrjar aýdandary halqynyń ómir súrý sapasyn jaqsartý boiynsha keshendi josparlar qabyldandy.
- Barlyq josparlanǵan is-sharalardy sheshý úshin qolda bar biýdjettik jáne biýdjetten tys resýrstar jumyldyryldy, memlekettik qoldaý quraldary iske qosyldy.
Bastapqyda 5 jyl ishinde josparlardy iske asyrýǵa 209 mlrd. teńge baǵyttaý kózdeldi. Búginde bul soma «Jumyspen qamtýdyń jol kartasy» jobalary esebinen 9 mlrd. teńgege artyp, 218 mlrd. Boldy. Onyń ishinde 44 mlrd. teńge aǵymdaǵy jylǵa qarastyrylǵan, – dedi Danial Ahmetov.
Esterińizge sala keteiik, keshendi josparlarǵa infraqurylymdy jaqsartý, aýyl sharýashylyǵyn, kásipkerlikti, bilim jáne densaýlyq saqtaý salalaryn damytý, sondai-aq jańa jumys oryndaryn qurý sharalary engizilgen.
- Bizdiń shekaralyq aýmaqtarda orasan zor qorlar men básekelestik artyqshylyqtar bar. Ony tiimdi paidalaný halyqtyń ekonomikalyq turǵydan belsendi bóliginiń shekaralyq aýdandarǵa aǵylýyna septigin tigizedi, – dep túiindedi óńir basshysy.
